மாஸ்டர் திரைப்படத்தை மக்களிடம் கொண்டு வர ஒன்றரை வருடம் காத்திருந்தோம் என லோகேஷ் கனகராஜ் தெரிவித்துள்ளார்.
இயக்குனர் லோகேஷ் கனகராஜ் இயக்கத்தில் விஜய் நடித்துள்ள திரைப்படம் மாஸ்டர். அந்த திரைப்படத்திற்கு அனிருத் இசையமைத்துள்ளார். கொரோனா பரவல் காரணமாக திரையரங்குகள் 8 மாதங்களாக மூடப்பட்டுள்ளன. அதனால் மாஸ்டர் திரைப்படத்தின் வெளியீடு ஒத்திவைக்கப்பட்டது. இதனையடுத்து மாஸ்டர் திரைப்பட விவகாரம் தொடர்பாக தமிழக முதல்வரை நடிகர் விஜய் நேரில் சந்தித்து பேசினார்.
இதனையடுத்து பொங்கல் பண்டிகையை முன்னிட்டு ஜனவரி 13-ஆம் தேதி மாஸ்டர் திரைப்படம் வெளியாகிறது. இந்நிலையில் மாஸ்டர் திரைப் படத்தை மக்களிடம் கொண்டு வர ஒன்றரை வருடமாக போராடு இருக்கிறோம். மாஸ்டர் படத்தின் காட்சிகள் தற்போது இணையத்தில் வைரலாகி வருகின்றன. அந்த காட்சிகள் உங்கள் கண்ணில் பட்டால் தயவுசெய்து ஷேர் செய்ய வேண்டாம். இன்னும் ஒரு நாள் காத்திருந்து படத்தை திரையில் சென்று பாருங்கள் என மாஸ்டர் படத்தின் இயக்குனர் லோகேஷ் கனகராஜ் ட்விட்டரில் பதிவு செய்துள்ளார்.