புத்தாண்டு தினத்தன்று கடந்த வருடத்தை காட்டிலும் 200% அதிகமாக உணவு ஆன்லைனில் பதிவு செய்யப்பட்டதாக சமேடோ நிறுவனம் தெரிவித்துள்ளது
புத்தாண்டு தினத்தன்று நாடு முழுவதிலும் சுமார் ஒரு நிமிடத்திற்கு சுமார் 4,254 எனும் விதத்தில் உணவு ஆன்லைன் மூலமாக பதிவு செய்யப்பட்டதாக சமேடோ நிறுவனம் தரப்பில் தெரிவிக்கப்பட்டுள்ளது. இதுகுறித்து அந்நிறுவனத்தின் உரிமையாளர் தனது ட்விட்டர் பக்கத்தில் புத்தாண்டு அன்று உணவு விற்பனை மூலம் வருமானமாக 75 கோடி ரூபாய் கிடைத்துள்ளதாக குறிப்பிட்டுள்ளார்.
அதுமட்டுமின்றி கடந்த வருடங்களை காட்டிலும் 50 சதவீதம் இது அதிகம் என்றும் அவர் குறிப்பிட்டுள்ளார். புத்தாண்டு தினத்தன்று இரவு உணவு ஆன்லைன் மூலமாக முன்பதிவு செய்ததை கடந்த வருடத்தை விட 200 சதவீதம் இவ்வருடம் அதிகமாக பதிவு செய்யப்பட்டுள்ளது என்றும் ஒரு லட்சம் ஊழியர்கள் உணவை வீடு வீடாக கொண்டு சேர்க்க பணியில் ஈடுபட்டதாகவும் சமேடோ உரிமையாளர் தெரிவித்துள்ளார்.