‘மாஸ்டர்’ படத்தில் நடித்துள்ள லோகேஷ் கனகராஜ்… அந்த சீனை இயக்கியது தளபதியா?…!!!

மாஸ்டர் படத்தின் ஒரு சீனில் இயக்குனர் லோகேஷ் கனகராஜ் நடித்துள்ளதாகவும் அந்த சீனை தளபதி விஜய் இயக்கியதாகவும் தகவல் வெளியாகியுள்ளது.

தமிழ் திரையுலகில் பிரபல இயக்குனர் லோகேஷ் கனகராஜ் இயக்கத்தில் நடிகர் விஜய் நடிப்பில் தயாராகியுள்ள திரைப்படம் ‘மாஸ்டர்’ . இந்த படம் வருகிற பொங்கல் பண்டிகையை முன்னிட்டு ஜனவரி 13ஆம் தேதி திரையரங்குகளில் வெளியாகும் என அதிகாரப்பூர்வமாக அறிவிக்கப்பட்டுள்ளது . இந்த படத்தில் கதாநாயகியாக மாளவிகா மோகனனும் ,வில்லனாக விஜய் சேதுபதியும் நடித்துள்ளனர். மேலும் இந்த படத்தில் சாந்தனு ,ஆண்ட்ரியா ,அர்ஜுன் தாஸ், சஞ்சீவ் உள்ளிட்ட பலர் முக்கிய கதாபாத்திரத்தில் நடித்துள்ளனர்.

மாஸ்டர் படத்தின் ஒரு சில காட்சிகளை தளபதி விஜய் இயக்கியதாகவும் அதில் லோகேஷ் கனகராஜ் நடித்ததாகவும் தகவல் வெளியானது . சமீபத்தில் லோகேஷ் கனகராஜ் அளித்துள்ள பேட்டியில் ‘விஜய் சார் தான், நீ எங்க எல்லாரையும் நடிக்க சொல்லி டார்ச்சர் பண்ற ஒரு சீன்ல நீயும் நடிக்கணும்னு சொன்னார் . நான் முதலில் சும்மா சொல்றார் அப்புறம் மறந்து விடுவார் என்று நினைத்தேன். ஆனால் அதை ஞாபகம் வைத்திருந்து கடைசி நாள் படப்பிடிப்பில் ஒரு சீனில் நடிக்க சொன்னார் . அந்த சீன நீங்க டைரக்ட் பண்ணினாதான் நான் நடிப்பேன் என்று சொன்னேன் . அப்படி சொன்னா விடுவார் என நினைச்சேன் ஆனா “பண்ணிட்டா போச்சு” என்றார் . பின் விஜய் சார் ஆக்சன் கட் சொல்ல நான் அந்த சீனில் நடித்தேன்’ என கூறியுள்ளார் .