அதிமுகவின் முன்னாள் மூத்த தலைவரான ஆர்.ஜனார்த்தனன் உடல்நலக்குறைவால் மரணமடைந்துள்ளார்.
முன்னாள் மத்திய அமைச்சரும், அதிமுக மூத்த தலைவருமான ஆர். ஜனார்த்தனன் தூத்துக்குடி மாவட்டம் கடம்பூரில் 1929ஆம் வருடம் அக்டோபர் 22-ஆம் தேதி விவசாயக் குடும்பத்தில் பிறந்தவர். இவர் சென்னை மாநிலக் கல்லூரியில் படித்த போது அண்ணாவின் பேச்சு ஆற்றல் மூலம் ஈர்க்கப்பட்டு அரசியலுக்கு வந்தவர் ஆவார். அண்ணா, எம்ஜிஆர், ஜெயலலிதா ஆகிய மூன்று தலைவர்களின் காலத்தில் கோலோச்சியவர்.
மேலும் திருநெல்வேலி தொகுதியில் இருந்து நான்கு முறை மக்களவை உறுப்பினராக தேர்ந்தெடுக்கப்பட்டவர் ஆவார். இந்நிலையில் உடல்நிலை குறைவால் மருத்துவமனையில் சிகிச்சை பெற்று வந்த அவர் தூத்துக்குடியில் காலமானார். அவரது மறைவுக்கு அரசியல் தலைவர்கள் பலரும் தங்களுடைய இரங்கலை தெரிவித்து வருகின்றனர்.