சந்திரனின் மேற்பரப்பு படிப்படியாக சுருங்கி வருவதாக விஞ்ஞானி தாமஸ் வாட்டர்ஸ் கூறியுள்ளார்.
பல்வேறு நாடுகள் நிலவை பற்றி ஆராய்சிகள் மேற்கொண்டு புது புது தகவல்களை வெளியிட்டு வருகின்றன. இந்நிலையில் அமெரிக்காவின் ‘நாசா’ ஆராய்ச்சி மையம் கடந்த 1969 மற்றும் 1977_ம் ஆண்டுகளில் நிலவுக்கு அனுப்பிய அப்பல்லோ விண்கலன்கள் சந்திரன் குறித்து ஆராய்ச்சிகள் மேற்கொண்டு தகவல்களை வெளியிட்டுள்ளன.
இந்த விண்கலன்கள் மேற்கொண்ட ஆய்வு மூலம் நிலவின் மேற்பரப்பு சுருங்க தொடங்கியுள்ளது என தெரியவந்துள்ளது. இதற்கு காரணம் நிலவின் மேற்பரப்பில் ஏற்படும் நிலநடுக்கமும், நிலவின் உட்பகுதியில் ஏற்படும் வெப்ப மாற்றங்களும் தான் என்று விஞ்ஞானி தாமஸ் வாட்டர்ஸ் கூறியுள்ளார்.
