இன்றைய ரெசிபி… முட்டை, உருளைக்கிழங்கை வைத்து… அருமையான மாலை நேர ஸ்னாக்ஸ்…!!!

முட்டை                                   – 2
வேகவைத்த  முட்டை     – 6
உருளைக்கிழங்கு            – 1/2 கிலோ
மிளகாய்த்தூள்                  – ஒரு ஸ்பூன்
மல்லி தூள்                            – இரண்டு ஸ்பூன்
கரம் மசாலா தூள்            – ஒரு ஸ்பூன்
மிளகுத்தூள்                         – ஒரு ஸ்பூன்
நறுக்கிய  வெங்காயம்  – 2
தேங்காய் பால்                   – 1/2 கப்
மைதா மாவு                         – இரண்டு ஸ்பூன்
கொத்தமல்லி                      – சிறிதளவு
ரொட்டித்தூள்                      – தேவையான அளவு
பொரிக்க  எண்ணெய்     – தேவையான அளவு

செய்முறை:

முதலில் உருளைக்கிழங்கை வேகவைத்து நன்கு மசித்து தனியே வைக்கவும். பின் கொத்தமல்லியையும், வெங்காயத்தையும் பொடியாக நறுக்கி கொள்ளவும். தொடர்ந்து முட்டைகளை நன்கு வேக வைத்து, பாதியாக வெட்டி எடுக்கவும்.

அதனிப்பின் ஒரு முட்டையை உடைத்து, அதனுடன் சிறிது உப்பு மற்றும் மிளகுத்தூள் சேர்த்து நன்கு அடித்து கொள்ளவும். பின்பு மசித்த உருளைக்கிழங்குடன், தேங்காய் பால், வெங்காயம், கொத்தமல்லி, மைதா மாவு சேர்த்து நன்கு பிசைந்து, சிறு சிறு உருண்டைகளாக உருட்டி தனியே வைக்கவும்.

பின் உருண்டையை கையில் வைத்து வட்டமாகத் தட்டி, அதன் நடுவிலே முட்டையை வைத்து, மூடவும். அதனை தொடர்ந்து தட்டிய உருண்டைகளை முட்டை கலவையிலும், ரொட்டித்தூளிலும்  முக்கி பிரட்டி எடுக்கவும்.

இறுதியில் கடாயில் எண்ணெய் ஊற்றி சூடானதும், அதில் நாம் செய்து வைத்துள்ள கட்லெட்களை போட்டு பொரித்து எடுக்கவும். இப்போது சுவைாயன  முட்டை உருளைக்கிழங்கு கட்லெட்  தயார்.