தமிழகத்தில் 2391 அரசு பள்ளிகளில் கழிப்பறை வசதி இல்லை என்பது தெரியவந்துள்ளது.
தமிழ்நாடு முழுவதும் இருக்கக்கூடிய அரசு பள்ளிகளில் கழிப்பறை இருக்கிறதா என்று விவரங்களை சேகரித்து அனுப்புமாறு சில மாதங்களுக்கு முன்பு அனைத்து மாவட்ட முதன்மை கல்வி அலுவலர்களுக்கு பள்ளிக் கல்வித்துறை உத்தரவிட்டு இருந்தது. அதன் அடிப்படையில் பல்வேறு அரசுப்பள்ளிகளில் எத்தனை பள்ளிகளில் கழிப்பறை வசதி உள்ளது என்பதை என்ற விவரத்தை தற்போது முதன்மை கல்வி அலுவலர்கள் கல்வித் துறையிடம் ஒப்படைத்து இருக்கின்றனர். அதில் ஒரு அதிர்ச்சித் தகவல் வெளியாகி உள்ளது.
அதில் 2391 அரசு பள்ளிகளில் கழிப்பறை வசதிகளை இல்லை என்ற தகவல் வெளியாகி உள்ளது. கழிப்பறை இல்லாத பள்ளிகளின் பட்டியலை பள்ளிக்கல்வித்துறை இடம் மாவட்ட முதன்மை கல்வி அலுவலர்களிடம் ஒப்படைத்தனர். அந்தப் பள்ளிகளில் கழிப்பறை அமைப்பதற்கு இடவசதி இருக்கிறதா? அந்தப் பள்ளியில் பயிலக்கூடிய மொத்த மாணவர்களின் எண்ணிக்கை எத்தனை என்ற விவரங்களை சேகரித்து அனுப்புமாறு உத்தரவிட்டுள்ளது.
மேலும் பள்ளிகளில் கழிப்பறை அமைப்பதா? வேண்டாமா? என்பதை குறித்து கல்வித் துறை உரிய முடிவெடுக்கும் என்று கூறப்படுகிறது. மேலும் கழிப்பறை இல்லாத பள்ளிகளில் கழிப்பறை அமைக்க வசதி இருக்கிறதா? என்ற தகவலையும் சேகரித்து அனுப்புமாறு அனைத்து மாவட்ட பள்ளி முதல்வருக்கும் ,பள்ளிக் கல்வித்துறை உத்தரவிட்டுள்ளது. இந்த உத்தரவின் அடிப்படையில் விரைவில் கழிப்பறை இல்லாத பள்ளிகளில் கழிப்பறை அமைக்க ஏற்பாடு செய்யப்படும் என்று அறிவிக்கப்பட்டுள்ளது.