ரஜினியின் பிறந்தநாளை முன்னிட்டு ஊடகங்கள் பிரேக்கிங் நியூஸ் கொடுப்பது போல போஸ்டர்கள் போயஸ் கார்டன் இல்லத்தில் ஒட்டப்பட்டுள்ளன.
சூப்பர் ஸ்டார் ரஜினிகாந்த் தனது 70வது பிறந்த நாளை இன்று கொண்டாடுகிறார். அவருக்கு அரசியல் கட்சி தலைவர்கள் மற்றும் ரசிகர்கள் என பல்வேறு தரப்பினரும் பிறந்தநாள் வாழ்த்துக்களை தெரிவித்து வருகிறார்கள்.இதனை அடுத்து நடிகர் ரஜினிகாந்த் புதிய அரசியல் கட்சி பற்றி அறிவிக்க உள்ள நிலையில், இன்று அவரின் ரசிகர்களுக்கு இரட்டிப்பு மகிழ்ச்சி கிடைத்துள்ளது.
இந்நிலையில் ரஜினியின் பிறந்தநாளை முன்னிட்டு அவரது ரசிகர்கள் போயஸ் கார்டன் இல்லத்தைச் சுற்றி பல்வேறு வாகனங்களுடன் போஸ்டர்களை ஒட்டியுள்ளனர். அதில் ஒரு போஸ்டரில், “மாற்றத்திற்கான பேரலை வெல்லும்.. அதை விரைவில் நேரலை சொல்லும்.. தமிழக முதல்வராக பதவியேற்க போயஸ் தோட்டத்திலிருந்து ரஜினிகாந்த் புறப்பட்டார்.. வழி நெடுகிலும் காவலர்களும் பொதுமக்களும் உற்சாகமாக வரவேற்றனர்” என்று ஊடகங்கள் பிரேக்கிங் நியூஸ் கொடுப்பது போன்ற வாசகம் இடம் பெற்றுள்ளது.