12 வருடங்களுக்கு பிறகு சூர்யா, கௌதம் மேனன் இணையும் புதிய படம் நவரசா மூலம் ரசிகர்களின் எதிர்பார்ப்பு நிறைவேறியுள்ளது.
காக்க காக்க, வாரணம் ஆயிரம் ஆகிய வெற்றி படங்களை கொடுத்து ரசிகர்களிடம் வரவேற்பு பெற்றது நடிகர் சூர்யா மற்றும் இயக்குனர் கௌதம் மேனன் கூட்டணி. இவர்களது கூட்டணியில் வரும் படங்களுக்கு ரசிகர்களிடம் மிகுந்த வரவேற்பு இருந்து வந்தது . இந்நிலையில் நீண்ட இடைவெளிக்கு பிறகு, இவர்கள் இருவரும் “நவரசா” என்ற புதிய படத்தில் இணைகிறார்கள்.
படப்பிடிப்பு தளத்தில் வெளியான புகைப்படம் ஒன்று சமூக வலைதளங்களில் ட்ரெண்டாகி வருகிறது. இப்புகைப்படத்தில் சூர்யா நீளமான சுருள் முடி வைத்துள்ளார் . இவர்கள் கூட்டணியில் 12 ஆண்டுகளுக்கு முன்பு வெளிவந்த வாரணம் ஆயிரம் திரைப்படம் மிகப்பெரிய வெற்றி பெற்றது குறிப்பிடத்தக்கது. அதன்பின்பு இவர்கள் இணையும் இப்படம் ரசிகர்கள் மத்தியில் எதிர்பார்ப்பை ஏற்படுத்தியுள்ளது.