நடிகர் விஜயின் 65வது திரைப்படத்தின் பர்ஸ்ட் லுக் போஸ்டர் சமூக வலைத்தளத்தில் கசிந்துள்ளதாக தகவல் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் நடிகர் விஜய் நடிப்பில் மாஸ்டர் திரைப்படம் பொங்கலுக்கு திரையரங்குகளில் ரிலீஸாகும் என எதிர்பார்க்கப்படுகிறது. இதையடுத்து தளபதி 65 திரைப்படத்தை இயக்கப் போவது யார் ? என்ற எதிர்பார்ப்பு ரசிகர்களிடையே நிலவி வந்தது. சமீபத்தில் கோலமாவு கோகிலா, டாக்டர் ஆகிய படங்களை இயக்கிய நெல்சன் விஜயின் 65வது திரைப்படத்தை இயக்கவுள்ளார் என்ற தகவல் பரவி வந்தது.
இந்நிலையில் தளபதி 65 படத்தின் டைட்டில் குறித்த போஸ்டர் சமூக வலைதளங்களில் கசிந்து வைரலாகி வருகிறது . ‘டார்கெட் ராஜா ‘ என்ற டைட்டிலுடன் சன் பிக்சர்ஸ் நிறுவனம் தயாரிப்பதாகவும் இயக்குனர் நெல்சன் இயக்குகிறார் மற்றும் இசையமைப்பாளர் அனிருத் இசையமைக்கிறார் என்று அதில் குறிப்பிடப்பட்டுள்ளது. ஆனால் இதை சன் பிக்சர்ஸ் தயாரிப்பு நிறுவனம் அதிகாரப்பூர்வமாக அறிவிக்கவில்லை. இதனால் இந்த தகவல்கள் உண்மையா? பொய்யா? என்றும் தெரியவில்லை. இருப்பினும் விஜய் ரசிகர்கள் சமூக வலைத்தளங்களில் இந்த போஸ்டரை ட்ரண்ட் செய்து வருகின்றனர். இதுகுறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது அதுவரை காத்திருப்போம்.