நடிகர் விஜய் நடித்துள்ள மாஸ்டர் திரைப்படத்தின் ட்ரெய்லர் ரிலீஸ் தேதியை படக்குழு அறிவித்துள்ளது .
தமிழ் திரையுலகில் நட்சத்திர நாயகனாக வலம் வரும் நடிகர் விஜய் நடிப்பில் ரிலீசுக்கு தயாராக உள்ள திரைப்படம் ‘மாஸ்டர் ‘. இயக்குனர் லோகேஷ் கனகராஜ் இயக்கியுள்ள இந்த திரைப்படத்தில் நடிகர் விஜய் சேதுபதி ,மாளவிகா மோகன், ஆண்ட்ரியா, சாந்தனு, அர்ஜுன் தாஸ், சஞ்சீவ் உள்ளிட்ட பலர் நடித்துள்ளனர். கடந்த தீபாவளியன்று இந்த திரைப்படத்தின் டீஸர் வெளியாகி ரசிகர்களிடம் நல்ல வரவேற்பைப் பெற்றது.
இதையடுத்து மாஸ்டர் அப்டேட்க்காக விஜய் ரசிகர்கள் ஆவலோடு காத்துக் கொண்டிருக்கும் நிலையில் டிரைலர் ரிலீஸ் தேதி குறித்த தகவல் வெளியாகியுள்ளது. வருகிற ஜனவரி 1ஆம் தேதி அதிகாலை 1 மணிக்கு ட்ரைலர் வெளியாக உள்ளதாக படக்குழு அறிவித்துள்ளது . இதனால் விஜய் ரசிகர்கள் உற்சாகத்தில் உள்ளனர்.