தமிழ் சினிமா திரையுலகில் மட்டுமல்லாமல், ஹிந்தி அதையும் தாண்டி, உலக அளவில் ஹாலிவுட் படம் வரை ஹிட் கொடுத்துக்கொண்டிருக்கும் நடிகர் என்றால் அது தனுஷ் தான். இவரை திரையுலகில் அறிமுகப்படுத்திய பெருமை அவரது அண்ணன் செல்வராகவன் அவர்களுக்கு தான் சேரும். இவர்கள் இருவரும் இணைந்து உருவாக்கிய திரைப்படங்கள் இன்றளவும் பாராட்டி பேச வைக்க கூடியதாக இருக்கும்.
செல்வராகவன் அவர்கள் இயக்கிய அனைத்துப் படங்களும் பிரம்மிக்க வைக்க கூடிய வகையில் தான் எடுப்பார். நடிகர் தனுஷ் அவர்களின் நடிப்பு திறமையால் அந்த படத்தின் மீதான ஈர்ப்பு இன்னும் அதிகமாகிவிடும். இந்நிலையில் தனுஷை வைத்து மீண்டும் செல்வராகவன் படம் இயக்க போகிறார் என்ற தகவல்கள் வெளியாகியுள்ளன.
இந்த படப்பிடிப்பு அடுத்த அடுத்த வருடம் மார்ச் மாதம் தொடங்கும் எனவும் கூறப்பட்டுள்ளது. தற்போது கர்ணன், அத்ராங்கி ரே ஆகிய படங்களில் நடித்து வரும் தனுஷ் அடுத்து கார்த்திக் நரேன் இயக்கும் படத்தில் நடிக்கவிருக்கிறார். அதன்பின் செல்வராகவன் இயக்கும் படத்தில் நடிப்பார் என ரசிகர்களால் எதிர்பார்க்கப்படுகிறது. மேலும் இந்த திரைப்படம் புதுப்பேட்டை 2 திரைப்படமாக இருந்தால் கூடுதல் சிறப்பாக இருக்கும் எனவும் ரசிகர்கள் எதிர்பார்க்கின்றனர்.