பெங்களூரு அணி 4 விக்கெட் வித்தியாசத்தில் ஹைதராபாத் அணியை வென்றுள்ளது
ஐ.பி.எல் 54 வது லீக் போட்டியில் ராயல் சேலஞ்சர்ஸ் பெங்களூரு மற்றும் சன்ரைசர்ஸ் ஹைதராபாத் அணிகள் மோதியது. இப்போட்டி பெங்களூரு சின்ன சுவாமி ஸ்டேடியத்தில் நேற்று இரவு 8 மணிக்கு தொடங்கியது. இதில் டாஸ் வென்ற பெங்களூரூ அணியின் கேப்டன் விராட் கோலி பீல்டிங்கை தேர்வு செய்தார். இதையடுத்து சன்ரைசர்ஸ் ஹைதராபாத் அணியின் தொடக்க வீரர்களான சாஹா 20 (11) ரன்களும், கப்தில் 30 (23) ரன்களும் எடுத்து ஆட்டமிழந்தார். அதன் பின் வந்த மனிஷ் பாண்டே 9 ரன்னில் ஆட்டமிழந்தார். இதையடுத்து கேன் வில்லியம்சனும், விஜய் சங்கரும் ஜோடி சேர்ந்தனர்.
இருவரும் பொறுப்புடன் விளையாடி ரன்கள் சேர்த்தனர். அதன் பின் விஜய் சங்கர் 27 (18) ரன்களில் ஆட்டமிழந்தார். இதையடுத்து வந்த வீரர்கள் சொற்ப ரன்களில் ஆட்டமிழந்தனர். இருந்த போதிலும் கேன் வில்லியம்சன் நிலைத்து நின்று அதிரடியாக விளையாடி 43 பந்துகளில் 70 ரன்கள் (5 பவுண்டரி 4 சிக்ஸர்) எடுத்தார். இறுதியில் ஹைதராபாத் அணி 20 ஓவர் முடிவில் 7 விக்கெட் இழந்து 175 ரன்கள் குவித்தது. பெங்களூரு அணியில் அதிகபட்சமாக வாஷிங்டன் சுந்தர் 3 விக்கெட்டுகளும், நவ்தீப் சைனி 2 விக்கெட்டுகளும் வீழ்த்தினர்.
அப்போது ஸ்கோர் 22/3 ரன்களுடன் தடுமாறியது. அதன் பிறகு ஹெட் மையரும், குர்கீரத் சிங்கும் ஜோடி சேர்ந்து இலக்கை துரத்தினர். இந்த ஜோடி நிலைத்து நின்று அதிரடி காட்டியது. இருவரும் அணியின் வெற்றியை நோக்கி பயணித்தனர். இந்த ஜோடியை ஹைதராபாத் அணியின் பந்து வீச்சாளர்களால் பிரிக்க முடியவில்லை. இந்த ஜோடி 100 ரன்களையும் கடந்து ரன்கள் குவித்தது.
கடைசியில் வெற்றிக்கு அருகில் வந்த நிலையில் அதிரடியாக விளையாடி வந்த ஹெட் மையர் 47 பந்துகளில் 75 ரன்கள் (6 சிக்ஸர், 4 பவுண்டரி) எடுத்து ஆட்டமிழந்தார். அதை தொடர்ந்து குர்கீரத் சிங்கும் 48 பந்துகளில் 65 ரன்கள் (8 பவுண்டரி, 1 சிக்ஸர்) எடுத்து வெளியேறினார். இதையடுத்து வந்த வாஷிங்டன் சுந்தர் 0 ரன்னில் ஏமாற்றமளித்தார்.
பின்னர் கடைசி ஓவரில் வெற்றிக்கு 6 ரன்கள் தேவைப்படது. ரஷித் கான் வீசிய அந்த ஓவரில் உமேஷ் யாதவும் 4, 4 அடித்து அணியை வெற்றி பெற வைத்தார். இதனால் பெங்களூரு அணி 19.2 ஓவரில் 6 விக்கெட் இழந்து 178 ரன்கள் எடுத்து வெற்றி பெற்றது. உமேஷ் யாதவ் 9 (4) ரன்களிலும், கோலின் டி கிராண்ட்ஹோம் 3 ரன்களிலும் ஆட்டமிழக்காமல் களத்தில் இருந்தனர். ஹைதராபாத் அணியில் கலீல் அகமது 3 விக்கெட்டுகளும், புவனேஸ்வர் குமார் 2 விக்கெட்டுகளும் வீழ்த்தினர்.