ஜல் ஜீவன் மிஷன் திட்டத்தை ஊராட்சி தலைவர்கள் விரைவில் செயல்படுத்த வேண்டும் என பிரதமர் மோடி கடிதம் எழுதியுள்ளார்.
சுதந்திர தின விழா கடந்த ஆண்டு கொண்டாடப்பட்ட போது அதில் உரையாற்றிய பிரதமர் மோடி ‘ஜல் ஜீவன் மிஷன்’என்ற திட்டத்தை அறிவித்திருந்தார். அந்தத் திட்டத்தின் முக்கிய நோக்கம் நாடு முழுவதும் ஊரக பகுதியில் இருக்கின்ற அனைத்து குடும்பங்களுக்கும் வருகின்ற 2024 ஆம் ஆண்டுக்குள் குடிநீர் குழாய் இணைப்பு வழங்குவதுதான்.இந்த நிலையில் அந்தத் திட்டத்தை விரைவில் செயல்படுத்த வேண்டும் என பிரதமர் மோடி ஊராட்சி தலைவர்களுக்கு கடிதம் ஒன்றை எழுதியுள்ளார்.
அந்த கடிதத்தில்,ஒவ்வொரு வீட்டிற்கும் குடிநீர் குழாய் இணைப்பு வழங்கக்கூடிய ஜல் ஜீவன் மிஷன் திட்டத்தை விரைவில் செயல்படுத்த ஊராட்சி தலைவர்கள் நடவடிக்கை எடுக்க வேண்டுமென குறிப்பிட்டுள்ளார். அதுமட்டுமன்றி நீர் மேலாண்மையை பெண்கள் அனைவரும் முன்னெடுத்து செல்லவேண்டும் என்றும் அவர் வலியுறுத்தியுள்ளார்.