16 நாடுகளுக்கு இந்தியர்கள் விசா இல்லாமல் செல்லலாம் என மத்திய அரசு தெரிவித்துள்ளது.
மாலத்தீவுகள், மொரீஷியஸ், நேபாளம், ஹாங்காங் போன்ற 16 நாடுகளுக்கு விசா இல்லாமல் இந்தியர்கள் செல்லலாம் என மத்திய அரசு மாநிலங்களவையில் தெரிவித்துள்ளது. மேலும் இது குறித்து எழுத்துபூர்வமாக வெளியுறவு இணை அமைச்சர் முரளீதரன் இதை வெளிப்படுத்தி உள்ளார்.
ஈரான், இந்தோனேசியா போன்ற 43 நாடுகள் விமான நிலைய விசாக்களையும், இலங்கை, நியூசிலாந்து, மலேசியா போன்ற 36 நாடுகள் இ-விசாக்களை வழங்குவதாகவும் அதில் தெரிவித்தார். மேலும் விசா இல்லாமல் பயணம் செய்யும் நாடுகள் மற்றும் விமான நிலைய விசாக்கள் இ விசா வழங்கும் நாடுகளின் எண்ணிக்கையை கூட்டுவதற்காக முயற்சிகள் எடுக்கப்பட்டு வருவதாகவும் அவர் தெரிவித்துள்ளார்.