“ராட்சத லாரி” மகனின் அறியாத செயல்… சிக்கி தவிக்கும் தந்தை…!!

மகன் அறியாமல் ராட்சத லாரி ஒன்றை வாங்கியதால் தந்தை பிரச்சனையில் சிக்கி தவித்து வருகிறார்

பிரித்தானியாவில் உள்ள வடக்கு டைன்சைட், வல்சென்ட் பகுதியை சேர்ந்தவர் முகமது ஃபராஜி. இவருக்கு 6 வயதில் ஒரு மகன் உள்ளான். அச்சிறுவன் இணையதளத்தின் வழியாக சுமார் 19 ஆயிரம் பவுண்டுகள் மதிப்புள்ள ராட்சத லாரியை வாங்கியுள்ளார். இச்சம்பவம் நடந்த அன்று முகமது தனது மடிக்கணினியை அணைத்து வைக்காமல் சென்றுவிட்டார். இந்நிலையில் ராட்சத லாரி பொம்மைகள் மீது அதிக ஆர்வம் கொண்ட சிறுவன் தந்தையின் paypal கணக்கு மூலம் 19000 பவுண்டுகள் மதிப்புள்ள லாரியை வாங்கியுள்ளார். தன்னுடைய மகன் தவறுதலாக அந்த லாரியை வாங்கியதாக முகமது விளக்கம் அளித்தும் விற்பனையை ரத்து செய்ய மறுத்து அந்த நிறுவனம் லாரியை கைப்பற்ற வலியுறுத்தியுள்ளது.

மறுபுறம் paypal நிறுவனமோ தங்களுக்கு மொத்த பணமும் செலுத்த வேண்டும் இல்லையெனில் லாரியை விற்பனைக்கு வைத்துள்ள நிறுவனத்துடன் கலந்தாலோசித்து பிரச்சினையை தீர்த்துக் கொள்ளுமாறு பதிலளித்துள்ளது. இதுவரை தன்னுடைய paypal கணக்கில் இருந்து 20 பவுண்டுகளுக்கு மேல் எந்த பொருளையும் வாங்கியதே இல்லை என முகமது தெரிவித்துள்ளார். தனது வங்கி கணக்கில் பரிசோதனை செய்து பார்த்தால் என்னிடம் எவ்வளவு பணம் இருக்கும் என்று தெரியும் என முகமது கூறியுள்ளார். இனிமேல் தந்தையின் மடிக்கணினியை தொடக்கூடாது என அச்சிறுவனுக்கு தடை விதித்துள்ளனர். சிறுவனின் அறியாத செயலுக்காக கடந்த மார்ச் மாதம் முதல் முகமது தொடர்ந்து போராடி வருகிறார்.