குறைந்த விலையில் அதிரடி சலுகைகள்… பிஎஸ்என்எல் நிறுவனம்…!!!

பிஎஸ்என்எல் நிறுவனம் தனது பிராட்பேண்ட் வாடிக்கையாளர்களுக்கு மூன்று சலுகைகளை குறைந்த விலையில் அறிவித்துள்ளது.

பிஎஸ்என்எல் நிறுவனம் தனது பிராட்பேண்ட் சலுகை எண்ணிக்கையை நீடித்திருக்கிறது. நொடிக்கு 50 எம்பி வேகத்தில் இணைய சேவை வழங்கும் 3 புதிய சலுகைகளை அறிவித்துள்ளது. புதிய சலுகைகள் 200 ஜிபி சிஎஸ்111, 300 ஜிபி சிஎஸ் 112 மற்றும் பியுஎன் 400 ஜிபி என அழைக்கப்படுகின்றது. இவை அனைத்தும் அதிகபட்சம் 400 ஜிபி அதிவேக டேட்டாவை வழங்குகின்றன. இவற்றின் ஆரம்ப விலை மாதம் ரூ. 490 என நிர்ணயிக்கப்பட்டுள்ளது. அதின் பியுஎன் 400 ஜிபி சலுகையில் அன்லிமிடெட் வாய்ஸ் கால் சேவையை வழங்கப்பட்டுள்ளது.

200 ஜிபி சிஎஸ் 111 சலுகையில் அதிகபட்சமாக 200 ஜிபி டேட்டா சேவை ரூ. 490 விலையில் வழங்கப்படுகிறது. 300 ஜிபி சிஎஸ்112 சலுகையின் கட்டணம் ரூ. 590 என நிர்ணயம் செய்யப்பட்டுள்ளது. இந்த சலுகையில் 300 ஜிபி டேட்டா சேவை வழங்கப்படுகின்றது. பியுஎன் 400 ஜிபி சலுகையில் மாதம் 400 ஜிபி டேட்டா வழங்கப்படுகின்றது. பிஎஸ்என்எல் 200 ஜிபி சிஎஸ் 111 மற்றும் 300 ஜிபி சிஎஸ் 112 மற்றும் பியுஎன் 400 ஜிபி சலுகைகள் தற்போது பஞ்சாப் வட்டாரத்தில் வழங்கப்பட்டு வருகின்றன. புதிய சலுகைகள் மற்ற பகுதிகளிலும் வழங்கப்படுமா என்ற கேள்வி எழுந்துள்ளது.