முதல் முறையாக ஆப்பிள் நிறுவன செயல் அலுவலரின் சொத்து மதிப்பு 100 கோடி டாலரை தாண்டிச் சென்றுள்ளது
உலக அளவில் தொழில் நுட்பத்தில் சிறந்து விளங்கும் நிறுவனம் ஆப்பிள். இந்நிறுவனத்தின் செயல் அலுவலராக டிம் குக் என்பவர் 2011ம் வருடம் முதல் இருந்து வருகிறார். இந்நிலையில் இவரது சொத்து மதிப்பு 100 கோடி டாலர்களை தாண்டியுள்ளது. சென்ற வருடம் மட்டும் 125 மில்லியன் டாலர்கள் இவருக்கு சம்பளமாக வழங்கப்பட்டது. அதோடு ஆப்பிள் நிறுவனத்தின் 8,47,969 பங்குகளை அவர் வைத்துள்ளார். கடந்த சில வாரங்களாக ஆப்பிள் நிறுவனத்தின் பங்குகள் தொடர்ந்து அதிகரித்து வருகின்றது.
உலக அளவில் மிகப் பெரிய கச்சா எண்ணெய் உற்பத்தியாளரான சவுதி அராம்கோ நிறுவனத்தின் சந்தை மதிப்பை ஆப்பிள் நிறுவனம் பின்னுக்கு தள்ளியது. அதோடு உலக அளவில் 2 ட்ரில்லியன் டாலர்கள் சந்தை மதிப்பை கொண்ட ஒரே நிறுவனமாகவும் ஆப்பிள் உருமாறியுள்ளது. ஏப்ரல்-ஜூன் காலாண்டில் இந்நிறுவனம் சிறந்த அளவில் வளர்ச்சியடைந்துள்ளது. இதனால் நிறுவனத்தின் பங்குகள் 10.47 % வரை அதிகரித்துள்ளது.
இதனைத் தொடர்ந்தே அந்நிறுவனத்தின் தலைமை செயல் அலுவலரான டிம் குக்கின் சொத்து மதிப்பு அதிகரித்து முதல் முறையாக 100 கோடி டாலர்களை தாண்டிச் சென்றுள்ளது. ஆனால் மற்ற தொழில்நுட்ப நிறுவனங்களின் தலைமை செயல் அலுவலர்களின் சொத்து மதிப்புடன் ஒப்பிட்டால் குறைவாகவே இருக்கும். அதிலும் அமேசான் நிறுவனரும் தலைமை செயல் அலுவலரின் சொத்து மதிப்பு 187 பில்லியன் டாலர்களாக இருக்கின்றது. அதேபோன்று மைக்ரோசாப்ட் நிறுவனத்தின் முன்னாள் சிஇஓ பில்கேட்ஸ் சொத்து மதிப்பு 121 பில்லியன் டாலர்களாக இருந்து வருவது குறிப்பிடத்தக்கது.