உலகளவில் இன்று 67 ஆயிரத்துக்கும் மேற்பட்டோர் கொரோனா தொற்றால்பாதிக்கப்பட்டுள்ள நிலையில் மொத்த எண்ணிக்கை 1 கோடியை நெருங்க இருக்கின்றது .
சர்வதேச அளவில் 200 க்கும் மேற்பட்ட நாடுகளில் கொரோனா வைரஸ் பரவியுள்ளது. உலகம் முழுவதும் கொரோனா வைரஸ் தாக்குதலால் 99 லட்சத்து 65 ஆயிரத்து 846 பேர் பாதிக்கப்பட்டுள்ளனர். 4 லட்சத்து 98 ஆயிரத்து 284 நபர்கள் உயிரிழந்துள்ளனர். அதிகபட்சமாக அமெரிக்காவில் 1 லட்சத்து 27 ஆயிரத்து 747 பேர் பலியான நிலையில், 25 லட்சத்து 59 ஆயிரத்து 399 பேர் பாதிக்கப்பட்டுள்ளனர். இந்தியாவில் இன்று மட்டும் 16 ஆயிரத்துக்கும் அதிகமானோர் பாதிக்கப்பட்ட நிலையில் தொற்று உறுதி செய்யப்பட்டவரின் எண்ணிக்கை 5 லட்சத்து 26 ஆயிரத்து 113ஆக அதிகரித்துள்ளது.
இதைத்தொடர்ந்து ரஷ்யாவில் இன்று 6,852 பேர் கொரோனாவால் பாதிக்கப்பட்டதால் மொத்த எண்ணிக்கை 6 லட்சத்து 27 ஆயிரத்து 646ஆக அதிகரித்தது. பிரேசிலில் இதுவரை 12 லட்சத்து 80 ஆயிரத்து 335 பேரும், ஸ்பெயினில் 2 லட்சத்து 94 ஆயிரத்து 985 பேரும், பெருவில் 2 லட்சத்து 72 ஆயிரத்து 364 பேரும் கொரோனாவால் பாதிக்கப்பட்டுள்ளனர். உலகம் முழுவதும் கொரோனா வைரசால் பாதிக்கப்பட்டு சிகிச்சை பெற்று வந்த 54 லட்சத்து 524 பேர் குணமடைந்து வீடு திரும்பிய நிலையில், தற்போது 40 லட்சத்து 67 ஆயிரத்து 038 பேர் சிகிச்சை பெற்று வருகின்றனர். கொரோனா பாதிப்பில் உலக அளவில் இந்தியா நான்காம் இடத்தில் உள்ளது குறிப்பிடத்தக்கது.
