மே.17க்கு பிறகும் ஊரடங்கு நீடித்தால் மாநிலத்தின் பொருளாதாரம் முற்றிலுமாக அழிந்து விடும் என புதுச்சேரி முதலமைச்சர் நாராயணசாமி கூறியுள்ளார்.
மேலும், ஊரடங்கு நீட்டிப்பில் மாநில முதலமைச்சர்களை கலந்தாலோசித்து முடிவெடுக்க வேண்டும், இல்லையெனில் மாநில அரசு கேட்கும் நிதியையாவது மத்திய அரசு வழங்க வேண்டும் என அவர் கோரிக்கை வைத்துள்ளார். கொரோனா பரவல் நாட்டில் வேகமெடுக்க ஆரம்பித்ததில் இருந்து ஊரடங்கு பிறப்பிக்கப்பட்டது. இதன் காரணமாக அனைத்து வணிக நிறுவனங்கள், தொழிசாலைகள், கடைகள் என அனைத்தும் மூடப்பட்டன. 21 நாட்களை கடத்த போது, மேலும் 19 நாட்களுக்கு நீட்டிக்கப்பட்டது.
அப்போது, கொரோனா பாதிப்பு அதிகம் இல்ல இடங்களில் சில தளர்வுகளை மேற்கொள்ள மத்திய அரசு அனுமதி வழங்கியது. இதையடுத்து, மே 3ம் தேதியோடு முடிவடைய இருந்த ஊரடங்கை மேலும் 2 வாரங்களுக்கு நீடித்து உத்தரவிட்டது. மேலும், பச்சை, ஆரஞ்சு, சுவப்பு மண்டலங்களில் மேற்கொள்ள வேண்டிய கட்டுப்பாடுகள் மற்றும் தளர்வுகள் வெளியிடப்பட்டது. இதையடுத்து, புதுச்சேரியில் 42 நாட்களுக்குப் பிறகு அனைத்துத் தொழிற்சாலைகள், கடைகள் திறக்கப்பட்டன.
இதனால் பல இடங்களில் மக்கள் கூட்டம் அதிகரித்துள்ளது. புதுச்சேரியில் 3 பேர் மட்டும் கொரோனா தொற்றால் சிகிச்சையில் உள்ளனர். கடலூரை சேர்ந்த 3 பேர் ஜிப்மரில் சிகிச்சையில் உள்ளனர். புதுச்சேரியில் புதிதாக யாருக்கு கொரோனா தொற்று இல்லை. இந்த நிலையில் ஊரடங்கு காரணமாக பொருளாதார நிலை மிகவும் மோசமாக பாதிக்கப்பட்டுள்ளதாக முதல்வர் நாராயணசாமி தெரிவித்துள்ளார்.