கொடூர கொரோனாவிற்கு அமெரிக்க பாப் பாடகர் டிராய் ஸ்னீட் பலியாகியுள்ளார்.
கொரோனா வைரஸ் உலகையே கதிகலங்க வைத்து கொண்டிருக்கிறது. உலகம் முழுவதும் மக்களின் உயிர்களை குடித்து வருகிறது. ஏழை, பணக்காரன் என்று பாகுபாடு இல்லாமல் பலி தீர்க்கிறது. அந்த வகையில் கொரோனாவிற்கு 53 வயதான பிரபல அமெரிக்க பாப் பாடகர் டிராய் ஸ்னீட் பலியாகியுள்ளார். சில நாட்களுக்கு முன்பு அவருக்கு காய்ச்சலும், சளியும் ஏற்பட்டு உடல்நலம் சரில்லாமல் போனது. உடனே செய்த பரிசோதனையில் அவருக்கு கொரோனா தொற்று இருப்பது உறுதியானது.
இதையடுத்து புளோரிடாவின் ஜாக்சன்விலே பகுதியில் உள்ள மருத்துவமனையில் அவருக்கு தீவிர சிகிச்சை அளிக்கப்பட்டு வந்தது. ஆனால் சிகிச்சை பலனின்றி மரணம் அடைந்தார். மரணம் அடைந்த டிராய் ஸ்னீட், ஹையர், தி ஸ்டரகில் இஸ் ஓவர், யூத் பார் கிறிஸ்ட் உள்பட பல இசை ஆல்பங்களை வெளியிட்டுள்ளார். 1999-ல் வெளியிட்ட இசை ஆல்பத்துக்காக கிராமி விருதுக்கு பரிந்துரை செய்யப்பட்டவர் என்பதும் குறிப்பிடத்தக்கது. தி பிரீச்சர்ஸ் ஒய்ப் என்ற ஹாலிவுட் படத்திலும் நடித்துள்ளார்.
ஏற்கனவே ஹாலிவுட் நடிகர்கள் ஆண்ட்ரூ ஜாக், மார்க் ப்ளம், ஆலன் கார்பீல்டு, ஜப்பான் நடிகர் கென் ஷிமூரா, ஹாலிவுட் நடிகைகள் பேட்ரிசியா பாஸ்வொர்த், லீ பியர்ரோ, அமெரிக்க பாடகர்கள் ஜோ.டிப்பி, ஜான் பிரைன், இங்கிலாந்து நடிகர் டீம் புரூக், நடிகை ஹிலாரி ஹீத், நகைச்சுவை நடிகர் எட்டி லார்ஜ், ஒளிப்பதிவாளர் ஆலன் டாவ்யூ உள்ளிட்டோர் இந்த கொடூர கொரோனாக்கு பலியாகி இருப்பது குறிப்பிடத்தக்கது.