மாவீரன் கதை லீக்…. சிவகார்த்திகேயன் எந்த கேரக்டர்ல நடிக்கிறார் தெரியுமா..?

மாவீரன் திரைப்படத்தின் கதை லீக் ஆகியுள்ளது.

தமிழ் சினிமா உலகில் முன்னணி நடிகராக வலம் வருகின்றார் சிவகார்த்திகேயன். இவர் முதலில் சின்னத்திரையில் அறிமுகமாகி பின் வெள்ளித்திரையில் என்ட்ரி கொடுத்தார். இவர் குழந்தைகள் முதல் பெரியவர் வரை அனைவரையும் தனது நடிப்பால் கவர்ந்து விட்டார். இவர் நடிப்பில் அண்மையில் வெளியான டான் திரைப்படம் ரசிகர்களிடையே நல்ல வரவேற்பை பெற்ற நிலையில் அடுத்தடுத்து திரைப்படங்களில் பிஸியாக நடித்து வருகின்றார்.

தற்போது மண்டேலா திரைப்படத்தின் மூலமாக அறிமுகமான இயக்குனர் மடோன் அஸ்வின் இயக்கத்தில் சிவகார்த்திகேயன் நடிக்கின்றார். இப்படத்தை ஷாந்தி டாக்கீஸ் தயாரிக்கின்றது. இத்திரைப்படத்திற்கு “மாவீரன்” என தலைப்பு வைக்கப்பட்டிருக்கின்றது. இத்திரைபடத்தில் சிவகார்த்திகேயனுக்கு ஜோடியாக இயக்குனர் சங்கரின் மகள் அதிதி சங்கர் நடிக்கின்றார். மேலும் இத்திரைப்படத்தில் இயக்குனர் மிஸ்கினும் முக்கிய வேடத்தில் நடிக்கின்றார்.

யோகி பாபு, நடிகை சரிதா உள்ளிட்டோரும் திரைப்படத்தில் நடிக்கின்றார்கள். இந்த நிலையில் திரைப்படத்தின் கதை குறித்த தகவல் கசிந்திருக்கின்றது. அது என்னவென்றால் சிவகார்த்திகேயன் ஒரு கார்ட்டூன்ஷ்டாக நடிப்பதாக சொல்லப்படுகின்றது. மேலும் அவர் எந்த மாதிரியான கார்ட்டூன் வரைந்தாலும் அது அப்படியே அவருடைய நிஜ வாழ்க்கையில் தோன்றி விடுவதோடு அந்த கார்ட்டூன்களால் அவர் சந்திக்கும் பிரச்சனைகள் தான் இந்த மாவீரன் திரைப்படத்தின் கதை என சொல்லப்படுகின்றது.