ஒரே திரையில் இரண்டு திரைப்படங்களை காட்டும் புதிய முயற்சியில் தமிழ் இயக்குனர் கையில் எடுத்துள்ளார்.
ரசிகர்களை புது புது முயற்சிகளை மேற்கொண்டு எப்படியாவது கவர்ந்து விட வேண்டும் என இயக்குனர்கள் முயற்சித்து வருகின்றார்கள். அந்த வகையில் இயக்குனர் ஜெகன் வித்யா என்பவர் இரண்டு திரைப்படங்களை ஒரே திரையில் காட்டும் முயற்சியில் ஈடுபட்டு இருக்கின்றார். இத்திரைப்படத்திற்கு பிகினிங் என்று டைட்டில் வைக்கப்பட்டுள்ளது. இத்திரைப்படத்தில் வினோத் கிஷன், கௌரி கிஷன், சச்சின், ரோகினி உள்ளிட்டோர் நடித்திருருக்கின்றார்கள். மேலும் சுந்தரமூர்த்தி இசையமைத்துள்ளார்.
இத்திரைப்படம் குறித்து இயக்குனர் தெரிவித்துள்ளதாவது, ஒரே திரையில் இரண்டு திரைப்படங்களை திரையிடுவதை ஸ்ப்ளிட் ஸ்கிரீன் என கூறுவார்கள். அதில் திரையின் இடது பக்கம் ஒரு திரைப்படமும் வலது பக்கம் ஒரு திரைப்படம் ஒரே சமயத்தில் நடக்கும். அதே நேரத்தில் பார்வையாளர்கள் குழப்பமடைய மாட்டார்கள். ஒரு டிராமா ஒரு தில்லர் என முற்றிலும் மாறுபட்ட இரண்டு நிகழ்வுகளை ஒரே நேரத்தில் பார்ப்பது ஒரு அனுபவமாக இருக்கும். ஒரே திரையில் இரண்டு கதைகளுக்கும் ஒரு தொடர்பு இருக்கும். கடைசியில் இரு கதைகளும் ஒன்றாக இணையும். இது உலகத்திலேயே புதிய முயற்சி என கூற முடியாது. ஏனென்றால் சில குறும்படங்கள் இதுபோல வந்திருக்கின்றது. ஒரு முழு நீள திரைப்படமாக ஆசியாவிலேயே புதிய முயற்சி என கூறலாம் என தெரிவித்துள்ளார்.