துணிவு திரைப்படத்தின் புதிய அப்டேட் வெளியாகியுள்ளது.
வினோத்-அஜித் கூட்டணியில் நேர்கொண்ட பார்வை, வலிமை உள்ளிட்ட திரைப்படங்களைத் தொடர்ந்து தற்போது துணிவு திரைப்படம் உருவாகி வருகின்றது. இத்திரைப்படத்தை போனி கபூர் தயாரிக்கின்றார். மேலும் மஞ்சு வாரியார், சமுத்திரக்கனி உள்ளிட்டோர் நடிக்க ஜிப்ரான் இசையமைத்துள்ளார். இத்திரைப்படம் 2023 பொங்கலுக்கு ரிலீஸ் ஆகின்றது. தற்போது படத்தின் டப்பிங் பணிகள் நடந்து வருகின்றது. இத்திரைப்படத்தை ரெட் ஜெயண்ட் சார்பாக தமிழகத்தில் உதயநிதி வெளியிட உள்ளார். தமிழக வெளியீடு உரிமையை உதயநிதி பெற்றுள்ள நிலையில் வெளிநாடுகளில் வெளியிடும் உரிமையை லைக்கா நிறுவனம் பெற்று இருக்கின்றது.
இந்த நிலையில் இத்திரைப்படத்தின் புதிய அப்டேட் வெளியாகியுள்ளது. இத்திரைப்படத்தின் நடிகை மஞ்சு வாரியார் பாடல் ஒன்றை பாடி இருக்கின்றார். இதனை சோசியல் மீடியாவில் இசையமைப்பாளர் ஜிப்ரானுடன் இருக்கும் புகைப்படத்தை பகிர்ந்து துணிவு திரைப்படத்தின் ஒரு இன்ட்ரஸ்டிங் பாடலின் ஒரு பகுதியாக இருப்பதில் மகிழ்ச்சி. நீங்கள் அனைவரும் அதைக் கேட்க காத்திருக்கின்றோம் என தெரிவித்திருக்கின்றார்.
Thrilled to have sung for @GhibranOfficial !!! Happy to be part of a very interesting song in #Thunivu! Waiting for you all to hear it! ❤️#ajithkumar #AK #hvinoth pic.twitter.com/G934UX79sg
— Manju Warrier (@ManjuWarrier4) November 26, 2022