பத்து வருடங்களாக கலையரசனை விதி துரத்திக் கொண்டிருக்கின்றது.
தமிழில் கார்த்தி நடிப்பில் வெளியான மெட்ராஸ் திரைப்படத்தில் ஹீரோவுக்கு நண்பனாக நடித்ததன் மூலம் ரசிகர்களிடையே மிகவும் பிரபலமான நடிகரானார் கலையரசன். இவர் ஹீரோவாகவும் குணச்சித்திர வேடத்திலும் மாறி மாறி நடித்து வருகின்ற நிலையில் அண்மையில் உதயநிதி நடிப்பில் வெளியான கலகத் தலைவன் திரைப்படத்திலும் உதயநிதிக்கு நண்பனாக முக்கிய வேடத்தில் நடித்திருக்கின்றார்.
இத்திரைப்படத்தின் கிளைமாக்ஸ் வரும் நேரத்தில் இவர் தனது நண்பனுக்காக உயிரை விடுகின்றார். இதுபோல பேட்டைகாளி என்ற வெப் தொடரிலும் இவரின் கதாபாத்திரம் எதிர்பாரா விதமாக நண்பனால் கொலை செய்யப்படுகின்றார். இதற்கு முன்பாக நடித்த மெட்ராஸ் திரைப்படத்திலும் தானா சேர்ந்த கூட்டம் திரைப்படத்திலும் இதே போல தான் இவரின் கதாபாத்திரத்தில் இடையில் இறந்து விடுபவராக அமைந்திருந்தது. கிட்டத்தட்ட பத்து வருடங்களாக இவரின் கதாபாத்திரங்கள் இது போலவே அமைந்து விதி அவரிடம் விளையாடி வருகின்றது.