சந்தானம் நடிக்கும் புதிய திரைப்படத்தின் ரிலீஸ் தேதி வெளியாகியுள்ளது.
தமிழ் சினிமா உலகில் பிரபல நகைசுவை நடிகராக வலம் வந்த சந்தானம் தற்போது ஹீரோவாக வலம் வருகின்றார். இவர் தற்போது” ஏஜென்ட் கண்ணாயிரம்” படத்தில் நடித்து வருகிறார். இந்த படத்தில் ரியா சுமன், சுருதி ஹரிஹரன், முனிஸ்காந்த், புகழ் உள்ளிட்ட பலர் முக்கிய கதாபாத்திரத்தில் நடித்துள்ளனர்.
யுவன் சங்கர் ராஜா இசையமைக்கும் இப்படத்தை மனோஜ் பிதா இயக்கியுள்ளார். சில மாதங்களாக நடைபெற்று வந்த இந்த படத்தின் படப்பிடிப்பு முடிவடைந்து விட்டதாக படக்குழு அண்மையில் அறிவித்தது. இந்த நிலையில் படம் குறித்த முக்கிய அப்டேட் வெளியாகியுள்ளது. ஏற்கனவே படத்தின் ரிலீஸ் தேதியை வெளியிடாமல் நவம்பர் மாதம் வெளியாகும் என அறிவித்திருந்த நிலையில் தற்போது ரிலீஸ் செய்தியை படக்குழு அறிவித்துள்ளது. இத்திரைப்படம் வருகின்ற நவம்பர் 25ஆம் தேதி வெளியாக இருப்பதாக அறிவித்திருக்கின்றது.