ராஜமவுலி-மகேஷ்பாபு கூட்டணியில் உருவாகும் திரைப்படத்தில் நடிகை தீபிகா படுகோன் நடிக்க இருப்பதாக செய்தி வெளியாகி உள்ளது.
தெலுங்கு சினிமா உலகில் முன்னணி இயக்குனராக வலம் வருகின்றார் ராஜமவுலி. இவர் இயக்கத்தில் வெளியான ஆர்ஆர்ஆர் திரைப்படம் நல்ல வரவேற்பு பெற்றதை தொடர்ந்து நடிகர் மகேஷ்பாபு உடன் அடுத்த திரைப்படத்தில் இணைய இருக்கின்றார். தற்போது ராஜமௌலி மகேஷ் பாபு திரைப்படத்தின் ஸ்கிரிப்ட் பணிகளில் ஈடுபட்டுள்ளார்.
இவர்கள் கூட்டணியில் உருவாகும் இந்த படம் ஆக்சன் மற்றும் அட்வெஞ்சர் ஜோனரில் உருவாகும் என சொல்லப்படுகின்றது. இந்த நிலையில் இந்தப் படம் குறித்த புதிய தகவல் ஒன்று வெளியாகியுள்ளது. அதன்படி மகேஷ் பாபுவுக்கு ஜோடியாக பிரபல நடிகை தீபிகா படுகோன் நடிக்க இருப்பதாகவும் இது குறித்து அவரிடம் படக்குழு பேச்சுவார்த்தை நடத்தி வருவதாகவும் சொல்லப்படுகின்றது.