காரைக்காலில் மீனவரின் வலையில் சிக்கிய இராட்சத திருக்கை ரக மீன் ரூபாய் 30 ஆயிரத்திற்கு ஏலம் எடுக்கப்பட்டது.
காரைக்கால் மேடு கிராமத்தைச் சேர்ந்தவர் வீரகுமார். இவர் ஒரு மீனவர் ஆவார் இவர். கடந்த இரண்டு நாட்களுக்கு முன்பு 10 பேருடன் விசைப்படகில் மீன்பிடிக்க சென்றார். ஆழ்கடலில் மீன் பிடித்துக் கொண்டிருந்தபோது திடீரென அவர் வலையை இழுக்க முடியாத அளவுக்கு கனமாக ஏதோ இழுப்பது போல் இருந்தது. இதனால் அதிர்ச்சியடைந்த படகில் இருந்த 16 மீனவர்களும் ஒருவழியாக சிரமப்பட்டு பிடித்து இழுத்தனர். இதில் வலையில் இராட்சத திருக்கை மீன் சிக்கி இருப்பதை கண்டு வியப்படைந்தனர்.
இதையடுத்து அந்த மீனை நேற்று காலை காரைக்கால் மீன்பிடி துறைமுகத்திற்கு எடுத்து வந்தனர். எடைபோட்டு பார்த்தபோது சுமார் 660 கிலோ எடையும், 10 அடி நீளமும் 14 அடி அகலமும் இருந்தது. இந்த மீன் ஓட்லா வகையை சேர்ந்த திருக்கையாக இருக்கலாம் என மீனவர்கள் கூறினர். இந்த அரிய வகை திருக்கை மீனை 30 ஆயிரத்திற்கு ஏலம் எடுத்தனர். நீண்ட நாட்களுக்கு பிறகு இராட்சத திருக்கை மீன் கிடைத்ததால் மீனவர்கள் மகிழ்ச்சி அடைந்தனர்.