இந்தோனேசிய நாட்டில் 65 வயதுடைய முதியவர் கோடிக்கணக்கான பணத்தை வரதட்சணையாக கொடுத்து 19 வயது பெண்ணை திருமணம் செய்த நிலையில் தற்போது இருவரும் விவாகரத்து பெற்றிருக்கிறார்கள்.
இந்தோனேசியாவை சேர்ந்த ஹஜி சொண்டனி என்ற 65 வயதுடைய நபரும், பியா பர்லண்டி என்னும் 19 வயது இளம் பெண்ணும் கடந்த மே மாதத்தில் திருமணம் செய்து கொண்டனர். கோடீஸ்வரான ஹஜி சொண்டனி, நாட்டின் வழக்கப்படி பியா பர்லண்டிக்கு 1,22,74,671.72 ரூபாய் வரதட்சணை, வீடு மற்றும் வாகனம் கொடுத்து திருமணம் செய்திருக்கிறார்.
மேலும், திருமணத்திற்கான செலவுகளையும் மொத்தமாக அவரே செய்திருக்கிறார். இந்நிலையில் திருமணம் முடிந்த இரு மாதங்களில் இருவரும் விவாகரத்து செய்திருக்கிறார்கள். திருமணம் நடந்த இரு வாரங்களிலேயே அந்த பெண்ணிற்கு, அவரை பிடிக்கவில்லை என்று கூறப்படுகிறது. அதாவது திருமணம் நடந்த சில நாட்களில் எடுத்த புகைப்படத்தில் இருவரும் தனித்தனியே அமர்ந்திருக்கிறார்கள்.