சிறுமியை பாலியல் வன்கொடுமை செய்து கொலை செய்த ராஜூவை 3000 போலீசார் தேடி வந்த நிலையில் அவன் ரயில் முன்பு பாய்ந்து தற்கொலை செய்து கொண்டான்..
தெலுங்கானா மாநிலம் ஐதராபாத்தில் கடந்த செப்டம்பர் 12ஆம் தேதி 6 வயது சிறுமியை பக்கத்து வீட்டை சேர்ந்த ஒருவன் விளையாடி கொண்டிருந்த சிறுமியை வீட்டுக்கு அழைத்து சென்று பாலியல் பலாத்காரம் செய்து கொலை செய்துள்ளான். தெலுங்கானா மாநில தலைநகர் ஹைதராபாத்தில் சைதாபாத் காவல் நிலைய பகுதிக்கு உட்பட சிங்காரேனி காலனியில் வசிக்கும் 6 வயது சிறுமியை காணவில்லை என்று சிறுமியின் பெற்றோர் காவல் நிலையத்தில் புகாரளித்தனர்.
இதுதொடர்பாக வழக்கு பதிவு செய்த போலீசார் விசாரணை செய்து வந்தனர். ஆனால் சிறுமி எங்கு இருக்கிறார் என்பதை போலீசாரால் கண்டுபிடிக்க முடியவில்லை. அதே நேரத்தில் பக்கத்து வீட்டில் வசிக்கும் குடிக்கு அடிமையான 30 வயது ராஜு நபரையும் காணவில்லை.
இதனால் சந்தேகமடைந்த சிறுமியின் பெற்றோர் பக்கத்து வீட்டில் வசிக்கும் நபர் மீதும் புகார் அளித்தனர். புகாரின் பெயரில் வீட்டை உடைத்து போலீசார் சோதனை நடத்தினார்கள். அந்த வீட்டில் அரை நிர்வாணத்தில் சிறுமி போர்வையால் சுருட்டி வைக்கப்பட்ட நிலையில் கண்டுபிடிக்கப்பட்டார். சிறுமியின் உடலில் பல இடங்களில் காயம் இருந்தது. பிறகு சிறுமியின் உறவினர்கள் மற்றும் அப்பகுதியை சேர்ந்த மக்கள் சாலை மறியலில் ஈடுபட்டனர். சம்பந்தப்பட்ட அவனை கைது செய்து கடும் தண்டனை வழங்க வேண்டும் என்றும், சிறுமியின் குடும்பத்திற்கு 50 லட்சம் இழப்பீடு வழங்க வேண்டும் என்று கூறியும் போராட்டத்தில் ஈடுபட்டனர். இதுதொடர்பாக கடத்தல், போக்சோ உள்ளிட்ட பிரிவுகளில் அவர் மீது வழக்கு பதிவு செய்து 3,000 போலீசார் தேடி வந்தனர்..
இதனையடுத்து சிறுமியை பலாத்காரம் செய்து கொன்ற குற்றவாளி பல்லகொண்ட ராஜூ குறித்து தகவல் தெரிவிப்போருக்கு ரூபாய் 10 லட்சம் சன்மானம் வழங்கப்படும் என்று ஐதராபாத் நகர காவல்துறை அறிவித்தது. இந்தநிலையில் குற்றவாளி ராஜு ரயில் முன் பாய்ந்து தற்கொலை செய்து கொண்டான்.. கை மற்றும் கால்களில் பச்சை குத்தப்பட்டிருந்த அடையாளங்களை வைத்து போலீசார் தற்கொலை செய்திருப்பது ராஜூ தான் என்பதை உறுதி செய்துள்ளனர்..
https://twitter.com/TelanganaDGP/status/1438378108575313923