மத்தியபிரதேசம் குவாலியரை சேர்ந்த நிறைமாத கர்ப்பிணி ஆர்த்தி குஷவாஹா பிரசவ வலி ஏற்பட்டதை அடுத்து மருத்துவமனையில் அனுமதிக்கப்பட்டார். இதையடுத்து ஆர்த்திக்கு இன்று பெண் குழந்தை பிறந்தது. இதில் அதிசயம் என்னவெனில் அந்த குழந்தை 4 கால்களுடன் பிறந்து உள்ளது. அதிசய நிகழ்வாக குழந்தை 4 கால்களுடன் பிறந்ததால் பெற்றோர், உறவினர்கள், மருத்துவர்கள் அதிர்ச்சியடைந்தனர். அதே நேரம் குழந்தையும், தாயும் நலமுடன் இருக்கின்றனர்.
இதற்கிடையில் கூடுதலாகவுள்ள அந்த குழந்தையின் 2 கால்கள் செயல் இழந்த நிலையில் இருக்கிறது. அத்துடன் கருமுட்டை பிரிதலின் போது ஏற்பட்ட குறைபாட்டால் குழந்தை 4 கால்களுடன் பிறந்து உள்ளதாகவும், கூடுதலாகவுள்ள 2 கால்களும் அறுவை சிகிச்சை வாயிலாக அகற்றப்படும் எனவும் மருத்துவர்கள் கூறினர்.