பிரதமர் மோடி இன்று மூன்று நாள் பயணமாக குஜராத் செல்கிறார். குஜராத் மாநிலத்தில் இந்த ஆண்டு இறுதியில் சட்டசபை தேர்தல் நடைபெற உள்ளது. இதனால் 3 நாள் அரசு முறை பயணமாக பிரதமர் மோடி இன்று குஜராத் சென்றுள்ளார். அகமதாபாத் விமான நிலையத்தில் இருந்து வரும் பிரதமரை வரவேற்க சிறப்பு ஏற்பாடுகள் செய்யப்பட்டுள்ளது. இன்று முதல் வரும் 20ஆம் தேதி வரை 3 நாட்கள் குஜராத்தில் பிரதமர் மோடி பயணம் மேற்கொள்ளவுள்ளார். மேலும் அங்கு ரூபாய் 22,000 கோடி மதிப்பிலான பல்வேறு வளர்ச்சித் திட்டங்களுக்கு அடிக்கல் நாட்டுகிறார்.