தமிழக அரசு ஒவ்வொரு வருடத்தின் இறுதி மாதங்களில் அதற்கு அடுத்த பிறக்கும் வருடத்திற்கான பொது விடுமுறை நாட்களை அறிவித்து வருகிறது. அந்த வகையில் 2023 ஆம் வருடம் தொடங்க இன்னும் இரண்டு மாதங்களில் உள்ள நிலையில் தமிழக அரசு 2023 ஆம் வருடத்திற்கான விடுமுறை பட்டியலை வெளியிட்டுள்ளது. அதன்படி ஜனவரி மாதத்தில் ஆங்கில புத்தாண்டு தினமான ஞாயிற்றுக்கிழமை மற்றும் பொங்கல் பண்டிகையொட்டி 15 16 17 ஆகிய தினங்கள் முறையே ஞாயிறு, திங்கள், செவ்வாய் கிழமைகளில் விடுமுறை.
அதேபோல குடியரசு தினம், தை பூசம், தெலுங்கு வருடப்பிறப்பு, வங்கிகள் ஆண்டு கணக்கு முடிவு, மகாவீர் ஜெயந்தி, புனித வெள்ளி, தமிழ் புத்தாண்டு, ரம்ஜான், மே தினம், பக்ரீத், மொஹரம், சுதந்திர தினம், கிருஷ்ண ஜெயந்தி, விநாயகர் சதுர்த்தி, மிலாடி நபி, காந்தி ஜெயந்தி, ஆயுத பூஜை, விஜயதசமி, தீபாவளி, கிறிஸ்துமஸ் உள்ளிட்ட மொத்தம் 24 நாட்கள் அரசு விடுமுறை தினமாக அறிவிக்கப்பட்டுள்ளது.