உலகப் புகழ் பெற்ற மறைந்த எழுத்தாளர் கல்கி கிருஷ்ணமூர்த்தியின் பொன்னியின் செல்வன் என்ற நாவலை அடிப்படையாகக் கொண்டு இயக்குனர் மணிரத்தினம் பொன்னியின் செல்வன் என்ற படத்தை இரண்டு பாகங்களாக இயக்குகின்றார். இந்த திரைப்படத்தில் சீயான் விக்ரம், ஜெயம் ரவி, ஐஸ்வர்யா ராய், திரிஷா, பிரபு, சரத்குமார், கார்த்தி உள்ளிட்ட பல நடிகர்களும் முக்கிய கதாபாத்திரங்களில் நடித்துள்ளனர். இதில் பொன்னியின் செல்வன் 1 கடந்த செப்டம்பர் 30ம் தேதி வெளியிடப்பட்டது.
இந்நிலையில் கடந்த வாரம் வெளியான பொன்னியின் செல்வன் தமிழ்நாட்டில் குறைந்த நாட்களில் 200 கோடிக்கு மேல் வசூலித்து பொன்னியின் செல்வன் சாதனை படைத்துள்ளது. நேற்றுவரை உலகம் முழுவதும் 450 கோடியை வசூல் செய்த நிலையில், விரைவில் இத்திரைப்படம் 500 கோடியை எட்டும் என எதிர்பார்க்கப்படுகிறது. உலக அளவில் அதிகம் வசூல் செய்த படங்களில் இரண்டாவது இடத்தில் 426 கோடியுடன் இருந்த விக்ரம்-ஐ PS1 மிஞ்சியுள்ளது. மேலும், 723 கோடியுடன் முதலிடத்தில் இருக்கும் 2.0 படத்தை PS1 முந்துமா என ரசிகர்கள் எதிர்பார்ப்பில் உள்ளனர்.