ஈரோடு மாவட்டம் புஞ்சைபுளியம்பட்டி அருகில் உள்ள நல்லூரில் விஜயகுமார்(45) என்பவர் வசித்து வருகிறார். இவர் மளிகை கடை வைத்துள்ளார். இவருடைய மனைவி பழனியம்மாள். இவர்களுக்கு சிரஞ்சீவி(6) விக்னேஷ்(3) என்ற இரண்டு மகன்கள் உள்ளனர். விஜயகுமாருக்கு பழனியம்மாளுக்கும் குடும்ப பிரச்சினை இருந்து வந்ததாக கூறப்படுகிறது. இதனால் அவர் மன வேதனை இருந்து வந்ததாக கூறப்படுகிறது. இந்நிலையில் விஜயகுமார் தனது 2 மகன்களுடன் நேற்று வீட்டை விட்டு வெளியேறி செல்வதாக கூறிவிட்டு மொபாட்டில் சென்றார். கோபியை எடுத்த காளிக்குளம் அருகில் சென்ற போது அங்குள்ள கீழ்பவானி வாய்க்காலை பார்த்து உள்ளார். அதன் பிறகு வாய்க்காலில் கரையோரம் மொபட்டை நிறுத்தி உள்ளார். அதன் பிறகு அவர் தனது இரண்டு மகனுகளுடன் வாய்க்காலில் குதித்துள்ளார். இதனையடுத்து கோபி அருகில் உள்ள உக்கிரன் குப்பம் துறை பகுதியில் உள்ள கீழ் பவானி வாய்க்கால் தண்ணீரில் சிறுவன் பிணமாக மிதப்பதாக கடத்தூர் போலீசாருக்கும், சத்தியமங்கலம் தீயணைப்பு நிலைய வீரர்களுக்கு தகவல் அளிக்கப்பட்டது.
தகவல் அறிந்து சம்பவ இடத்திற்கு விரைந்து சென்ற தீயணைப்பு வீரர்கள் சம்பவ இடத்திற்கு சென்று சிறுவனின் உடலை மீட்டனர். மேலும் சிறுவனின் உடலை கடத்தூர் போலீசார் கைப்பற்றி உடற்கூறு பரிசோதனைக்காக பெருந்துறை அரசு மருத்துவக் கல்லூரி மருத்துவமனைக்கு அனுப்பி வைத்தனர். இது குறித்து கடத்தூர் போலீசார் வழக்கு பதிவு செய்து விசாரணை மேற்கொண்டு வருகின்றனர். இதற்கிடையில் மொபட்டில் தனது 2 மகன்களுடன் சென்ற கணவரை காணாமல் அவர்களை பழனியம்மாள் பல்வேறு இடங்களிலும் தேடிப் பார்த்து உள்ளார். இந்நிலையில் சிறுவன் சிரஞ்சீவியின் புகைப்படம் வாட்ஸ் அப்பில் பரவியது. வாட்ஸ் அப்பில் வந்த புகைப்படத்தை கண்டு தான் அது தன்னுடைய மகன்தான் என்று கதறி அழுத்தாளர். உடனே அவர் கடத்தூர் போலீஸ் நிலையத்திற்கு சென்று விவரங்களை தெரிவித்தார். அப்போதான் போலீசாருக்கு குடும்ப பிரச்சினை காரணமாக விஜயகுமார் தனது இரண்டு மகன்களுடன் வாய்க்காலில் குதித்தது தெரியவந்தது. இதனையடுத்து வாய்க்காலில் குதித்த விஜயகுமார் மற்றும் விக்னேஷ் கதி என்ன? என்பது தெரியவில்லை. எனவே தந்தை மகனை தேடும் பணிகள் தீயணைப்பு விரைவுகள் மற்றும் போலிசார் தீவிரமாக ஈடுபட்டு வருகின்றனர்.