ஐசிசி 19 வயதுகுட்பட்ட மகளிருக்கான முதல் டி20 உலக கோப்பை போட்டிக்கான அட்டவணையை வெளியிட்டுள்ளது. அதன்படி அடுத்த வருடம் ஜனவரி மாதம் 14-ஆம் தேதி முதல் ஜனவரி 29-ஆம் தேதி வரை டி20 போட்டிகள் நடைபெற இருக்கிறது. இந்த போட்டி தென் ஆப்பிரிக்காவில் நடைபெற இருக்கிறது. இதில் இந்தியா உட்பட 16 அணிகள் பங்கேற்க 41 போட்டிகள் நடைபெற இருக்கிறது.
அதோடு இந்தோனேஷியா மற்றும் ருவாண்டா அணிகளும் முதல் முறையாக டி20 போட்டியில் பங்கேற்கிறது. இந்நிலையில் டி20 உலக கோப்பை போட்டியில் பங்கேற்கும் அணிகள் 4 குரூப்களாக பிரிக்கப்பட்டுள்ள நிலையில், குரூப் சுற்று, சூப்பர் 6 மற்றும் அரையிறுதி என 3 போட்டிகளாக நடைபெற இருக்கிறது. மேலும் இந்திய அணியினர் குரூப் டி பிரிவில் இடம் பெற்றுள்ளதோடு, குரூப் சுற்றில் யூஏஇ, ஸ்காட்லாந்து மற்றும் தென் ஆப்பிரிக்கா அணிகளோடு மோதுகிறது.