இங்கிலாந்து மகாராணி இரண்டாம் எலிசபெத் பக்கிங்காம் அரண்மனையில் வசித்து வந்தார். இவருக்கு தற்போது 96 வயதாகிறது. இதனையடுத்து மகாராணி இரண்டாம் எலிசபெத்திற்கு நேற்று திடீரென உடல்நலக் குறைவு ஏற்பட்டது.
இதனை தொடர்ந்து அரண்மனையில் உள்ள அதிகாரப்பூர்வ மருத்துவ குழுவினர் ராணிக்கு தொடர்ந்து சிகிச்சை அளித்து வந்தனர். ஆனால் மருத்துவ குழுவினர் அளித்த சிகிச்சை பலனளிக்காமல் நேற்று அவர் திடீரென காலமானார் என அதிகாரபூர்வமாக தகவல் வெளியாகியுள்ளது.
இதனால் இளவரசர்களும் குடும்ப உறுப்பினர்களும் அரண்மனைக்கு விரைந்த வண்ணம் உள்ளனர். மேலும் இங்கிலாந்து மகாராணி இரண்டாம் எலிசபெத்தின் மறைவிற்கு உலக நாடுகளில் உள்ள தலைவர்கள் தொடர்ந்து இரங்கல் தெரிவித்து வருகின்றனர். இந்த சம்பவம் பிரிட்டன் மக்களை பெரும் சோகத்தில் ஆழ்த்தியுள்ளது.
இந்நிலையில் ராணி எலிசபெத்தின் உடல் 10 நாட்களுக்குப் பின் நல்லடக்கம் செய்யப்படும் என தகவல் வெளியாகியுள்ளது. மேலும் 5 நாட்கள் பொதுமக்கள் அஞ்சலிக்காக லண்டன் வெஸ்ட் மினிஸ்டர் அரங்கில் அவரது உடல் வைக்கப்பட உள்ளதாகவும் அதிகாரப்பூர்வ தகவல் வெளியாகி உள்ளது.