10 மற்றும் 12-ம் வகுப்புகளுக்கு திருப்புதல் தேர்வுக்கான தேதி அறிவிக்கப்பட்டுள்ளது .
தமிழகத்தில் இன்று கல்வி முதன்மை அலுவலகத்தில் ஆய்வு கூட்டம் நடைபெற்றது. இதன்பிறகு பொதுத் தேர்வு எப்போது நடைபெறும் என்பதற்கான தேதிகள் அறிவிக்கப்பட்டிருந்த நிலையில் தற்போது 10 மற்றும் 12ம் வகுப்புகளுக்கு பொதுத் தேர்வுக்கு முன்கூட்டி நடைபெறும் திருப்புதல் தேர்வுகளுக்கான தேதிகள் அறிவிக்கப்பட்டுள்ளது.
அதன்படி 10-ம் வகுப்பு மாணவர்களுக்கு முதல் திருப்புதல் தேர்வு ஜனவரி 19ஆம் தேதி முதல் 27-ம் தேதி வரையிலும், இரண்டாம் திருப்புதல் தேர்வு மார்ச் 21-ம் தேதி முதல் 26ம் தேதி வரையிலும் நடைபெறும் என்று பள்ளி கல்வித்துறை தெரிவித்துள்ளது. அதேபோல் 12-ம் வகுப்பு மாணவர்களுக்கு முதல் திருப்புதல் தேர்வு ஜனவரி 19ஆம் தேதி முதல் 28-ம் தேதி வரையிலும், இரண்டாம் திருப்புதல் தேர்வு மார்ச் 21ஆம் தேதி முதல் 29-ம் தேதி வரையிலும் நடைபெறும் என்று அறிவிக்கப்பட்டுள்ளது.