விஜய்யின் தெறி, கமலின் விக்ரம் ஆகிய பல்வேறு திரைப்படங்களில் முக்கிய கதாப்பாத்திரத்தில் நடித்திருக்கும் ஸ்ரீ, பல சின்னத்திரை தொலைக்காட்சி தொடர்களில் கதாநாயகனாகவும் நடித்து முன்னணி நடிகராக வலம் வருகிறார். இப்போது ஸ்ரீ ஈசன் இயக்கத்தில் “ஈடாட்டம்” படத்தில் கதாநாயகனாக நடித்திருக்கிறார். இந்த படத்தை ஈசன் மூவிஸ் சார்பாக சக்தி அருண்கேசவன் தயாரிக்கிறார். இத்திரைப்படத்தில் வெண்பா, அணுகிருஷ்ணா, தீக்ஷிகா ஆகிய கதாநாயகிகள் நடித்து இருக்கின்றனர். அத்துடன் ராஜா, விஜய் விசித்திரன், காதல் சுகுமார், பவர் ஸ்டார், பூவிலங்கு மோகன், விஜய் சத்யா உட்பட பல முன்னணி நட்சத்திரங்கள் நடித்து உள்ளனர்.
வறுமையில் வாழும் நபர் பணத் தேவைக்காக தவறான முடிவுகளை எடுத்தால் அவர் மட்டுமின்றி அவரை சார்ந்தவர்களும் எப்படி பாதிக்கப்படுகிறார்கள் என்ற கதைக் கருவை மையமாக வைத்து உருவாகியுள்ள இந்த படத்திற்கு வி.ஆர்.சுவாமிநாதன் ராஜேஷ் இசையமைத்துள்ளார். கஜபதி வசனம், திரைக்கதை எழுதியுள்ள இந்த படத்திற்கு ஜேசன் வில்லியம்ஸ் ஒளிப்பதிவு செய்து இருக்கிறார். இந்த திரைப்படத்தின் பர்ஸ்ட்லுக் போஸ்டர் சென்ற ஆகஸ்ட் 31ம் தேதி வெளியிடப்பட்டது. இந்த போஸ்டர் ரசிகர்கள் மத்தியில் நல்ல வரவேற்பை பெற்றது.