நடிகர் தனுஷ் அமெரிக்காவில் கோலிசோடா குடிக்கும் போது எடுத்துக்கொண்ட புகைப்படத்தை தனது சமூக வலைதளப் பக்கத்தில் வெளியிட்டுள்ளார்.
தமிழ் திரையுலகில் முன்னணி கதாநாயகனாக வலம் வரும் தனுஷ் தி கிரே மேன் என்ற ஹாலிவுட் படத்தில் முக்கிய கதாபாத்திரத்தில் நடிக்கிறார். அவெஞ்சர்ஸ் இன்ஃபினிட்டி வார், அவெஞ்சர்ஸ் என்ட் கேம் போன்ற படங்களை இயக்கிய ரூஸோ பிரதர்ஸ் இந்த படத்தை இயக்குகின்றனர. மேலும் இந்த படத்தில் நடிகர் தனுஷுடன் இணைந்து ரயன் காஸ்லிங், கிறிஸ் இவான்ஸ் ஆகியோரும் நடித்துள்ளனர். இந்த படத்தை நெட்ப்ளிக்ஸ் நிறுவனம் தயாரித்துள்ளது. கடந்த பிப்ரவரி மாதம் தி கிரே மேன் படத்தின் படப்பிடிப்புக்காக நடிகர் தனுஷ் அமெரிக்கா சென்றிருந்தார் .
விறுவிறுப்பாக நடைபெற்று வந்த இந்த படத்தின் படப்பிடிப்பு தற்போது நிறைவடைந்துள்ளது. விரைவில் நடிகர் தனுஷ் சென்னை திரும்ப உள்ளதாக கூறப்படுகிறது. இந்நிலையில் நடிகர் தனுஷ் அமெரிக்காவில் கோலி சோடா குடிக்கும் போது எடுத்துக்கொண்ட புகைப்படத்தை தனது சமூக வலைதளப் பக்கத்தில் வெளியிட்டுள்ளார் . மேலும் அதில் மாரி 2 படத்தில் இடம்பெற்ற ‘ஹே என் கோலி சோடாவே’ பாடல் வரிகள் தான் ஞாபகத்திற்கு வருவதாக அவர் குறிப்பிட்டுள்ளார். தற்போது நடிகர் தனுஷ் வெளியிட்டுள்ள இந்த புகைப்படத்திற்கு 8 லட்சத்திற்கும் அதிகமான லைக்குகள் குவிந்துள்ளது குறிப்பிடத்தக்கது.