6வது டி.என்.பி.எல். 20 ஓவர் கிரிக்கெட் போட்டியானது சென்ற 23ஆம் தேதி நெல்லையில் துவங்கியது. அங்கு ஆறு ஆட்டங்கள் நடைபெற்றது. இதையடுத்து திண்டுக்கல்லில் 7 போட்டிகள் நடந்தது. இப்போது கோவை எஸ்.என்ஆர். கல்லூரி மைதானத்தில் டி.என்.பி.எல். போட்டிகள் நடந்து வருகிறது. நேற்றுடன் மொத்தம் 19 லீக்ஆட்டங்கள் முடிந்திருக்கிறது. நெல்லை ராயல் கிங்ஸ் அணி 6 வெற்றியுடன் 12 புள்ளிகள் பெற்று பிளேஆப் சுற்றுக்கு முதல் அணியாக தகுதிபெற்றுள்ளது. மதுரை பாந்தர்ஸ் 8 புள்ளி உடனும், சேப்பாக் சூப்பர் கில்லீஸ், கோவை கிங்ஸ், திருப்பூர் தமிழன்ஸ், திண்டுக்கல் டிராகன்ஸ் போன்ற அணிகள் 4 புள்ளிகளுடன் 3 -6வது இடங்களில் இருக்கிறது. திருச்சி வாரியர்ஸ் 2 புள்ளி பெற்றிருக்கிறது. சேலம் ஸ்பார்டன்ஸ் தான் மோதிய 4 ஆட்டங்களிலும் தோற்று புள்ளி எதுவுமே பெறவில்லை என்பது குறிப்பிடத்தக்கது.
இதனிடையில் லீக் முடிவில் முதல் 4 இடங்களை பிடிக்கும் அணிகள் பிளேஆப் சுற்றுக்கு தகுதிபெறும். இன்று 2 ஆட்டங்கள் நடைபெறுகிறது. பிற்பகல் 3:15 மணிக்கு நடைபெறும் முதல் போட்டியில் ஷாருக்கான் தலைமையிலான கோவை கிங்ஸ்- அணிருதா தலைமையிலான திருப்பூர் தமிழன்ஸ் அணிகள் மோதுகிறது. இதில் கோவை கிங்ஸ் திருச்சியை 52 விக்கெட்டிலும், சேலத்தை 8 விக்கெட்டிலும் வென்றது. திண்டுக்கல் (5 விக்கெட்), மதுரை (39ரன்), சேப்பாக் சூப்பர்கில்லீஸ் (5 விக்கெட்) அணிகளிடம் தோற்றிருந்தது. திருப்பூர் அணி தன் முதல் ஆட்டத்தில் திருச்சி வாரியர்சை 4 விக்கெட் வித்தியாசத்தில் வீழ்த்தியது. 2வது போட்டியில் திண்டுக்கல் இடம் 9 விக்கெட் வித்தியாசத்தில் தோற்றது.
அதனை தொடர்ந்து 3வது ஆட்டத்தில் நெல்லையிடம் 6 விக்கெட்டில் தோற்றது. 4வது போட்டியில் சேலம் அணியை 32 ரன்னில் வென்றுவிட்டது. இருஅணிகளும் 3வது வெற்றிக்காக காத்திருக்கிறது. இரவு 7:15 மணிக்கு நடைபெறவுள்ள 2வது ஆட்டத்தில் கவுசிக்காந்தி தலைமையிலான சேப்பாக் சூப்பர்கில்லீஸ்-ஹரி நிஷாந்த் தலைமையிலான திண்டுக்கல் டிராகன்ஸ் அணிகள் மோதுகிறது. நடப்பு சாம்பியனான சேப்பாக் சூப்பர்கில்லீஸ் முதல் ஆட்டத்தில் நெல்லையிடம் சூப்பர் ஓவரிலும், 2வது போட்டியில் மதுரையிடம் 4 விக்கெட்டிலும் தோற்றது. பின் திருச்சி வாரியர்சை 44 ரன் மற்றும் கோவைகிங்சை 5 விக்கெட் வித்தியாசத்தில் வீழ்த்தியது.
இதனிடையில் திண்டுக்கல் அணியினை வீழ்த்தி சேப்பாக் சூப்பர்கில்லீஸ் ஹாட்ரிக் வெற்றி பெறும் ஆர்வத்தில் இருக்கிறது. இதில் சேப்பாக் சூப்பர்கில்லீஸ் அணியின் கேப்டன் கவுசிக்காந்தி, ஜெகதீசன், ராதாகிருஷ்ணன், சசிதேவ், ராதாகிருஷ்ணன், ஹரீஷ்குமார், சாய்கிஷோர், அலெக்சாண்டர் ஆகிய சிறந்த வீரர்கள் இருக்கின்றனர். திண்டுக்கல் அணி கோவை (5 விக்கெட்), திருப்பூர் (9 விக்கெட்) போன்றவற்றை வீழ்த்தியது. திருச்சி (8 விக்கெட்),நெல்லை (8 விக்கெட்), மதுரை (7 விக்கெட்) போன்றவற்றிடம் தோற்றது. அந்த அணியானது 3-வது வெற்றிக்காக காத்திருக்கிறது.