நேற்றைய திமுக பொதுக்குழு கூட்டத்தில் வைத்து துரைமுருகன் 2 பேனாக்களை ஸ்டாலினுக்கு பரிசாக வழங்கினார். கூட்டத்தில் துரைமுருகன் பேசி முடித்ததும் ஸ்டாலின் அருகில் சென்று அவரது சட்டைப்பையில் இருந்த ஒரு பேனாவை எடுத்துக் கீழே வைத்தார். இதில் ஸ்டாலினே சற்று அதிர்ந்து போனார். தனது பரிசாக 2 ரேர் கலெக்ஷன் மாண்ட் பிளாங்க் பேனாவை ஸ்டாலின் சட்டைப்பையில் வைத்தார். இனி, இதில் தான் கையெழுத்திட வேண்டும் என மேடையிலேயே துரைமுருகன் கேட்டுக்கொண்டார்.
முதல்வர் ஸ்டாலினுக்கு அமைச்சர் துரைமுருகன் பரிசாக கொடுத்த மான்ட்பிளாங் பேனாதான் ஹைலைட். அப்படி அந்த பேனாவில் என்ன சிறப்பு? ஜெர்மனியை சேர்ந்த இந்நிறுவனம் 1906 முதல் கைக்கடிகாரம், பேனா உள்ளிட்ட பொருட்களை தயாரித்து வருகிறது. இதில் மான்ட்பிளாங் பேனா இந்திய மதிப்பில் ரூ.1000 முதல் ரூ.2 லட்சம் வரை பல வகைகளில் கிடைக்கிறது. முதல்வர் ஸ்டாலின் முக்கிய கோப்புகளில் கையெழுத்திட இந்த பேனாவைத் தான் தொடர்ந்து பயன்படுத்தி வருகிறார்.