“ஷூட்டிங்கில் குடிபோதையில் தள்ளாடும் ரஜினி”…. இணையத்தில் லீக்…!!!!!

ஜெயிலர் திரைப்படத்தின் சூட்டிங் ஸ்பாட் குறித்த தகவல் சமூக வலைதளத்தில் கசிந்திருக்கின்றது.

தமிழ் சினிமா உலகில் ஒரு சில படங்களை மட்டுமே இயக்கி பிரபல இயக்குனராக வலம் வருகின்றார் நெல்சன் தீலீப்குமார். இவர் இயக்கத்தில் விஜய் நடிப்பில் அண்மையில் வெளியான பீஸ்ட் திரைப்படம் கலவையான விமர்சனங்களை பெற்றாலும் வசூலில் சாதனை படைத்தது. நெல்சன் தற்போது ரஜினியின் தலைவர் 169-வது திரைப்படத்தை இயக்குகிறார். இத்திரைப்படத்தை சன் பிக்சர்ஸ் தயாரிக்க அனிருத் இசையமைக்கின்றார். இதனால் ரசிகர்களிடையே படம் குறித்த எதிர்பார்ப்பினை அதிகரிக்க செய்திருக்கின்றது.

இத்திரைப்படத்திற்கு ஜெயிலர் என பெயர் வைக்கப்பட்டுள்ளது. இந்த நிலையில் இத்திரைப்படத்தின் ஃபர்ஸ்ட் லுக் சென்ற ஆகஸ்ட் 22-ம் தேதி வெளியானது. இதை சன் பிக்சர்ஸ் வெளியிட்டது. இதில் ரஜினிகாந்த் வயதான தோற்றத்தில் கண்ணாடி அணிந்தபடி இருக்கின்றார். இத்திரைப்படத்தின் படப்பிடிப்பும் ஆகஸ்ட் 22-ம் தேதியே பூஜையுடன் தொடங்கியது.

இந்நிலையில் இத்திரைப்படத்தில் நடிக்கும் நட்சத்திரங்கள் குறித்த அதிகாரப்பூர்வ அறிவிப்பை சன் பிக்சர்ஸ் வெளியிட்டது. இத்திரைப்படத்தில் ரம்யா கிருஷ்ணன், யோகி பாபு, விநாயகன், வசந்த் ரவி உள்ளிட்டோர் நடிக்கின்றார்கள்.

இந்நிலையில் படப்பிடிப்பு நடைபெறும் இடம் எடுக்கப்படும் காட்சிகள் குறித்த தகவல் சமூக வலைதளத்தில் கசிந்து இருக்கின்றது. தற்பொழுது இத்திரைப்படத்தின் இரவு காட்சிகள் படமாக்கப்பட்டு வருவதாக சொல்லப்படுகின்றது. மேலும் இரவுக்காட்சிகளில் எண்ணூர் பகுதியில் இருக்கும் லோக்கல் பார் ஒன்றுக்கு வெளியே நடைபெற்று வருவதாக செய்தி வெளியாகியுள்ளது. அதில் ரஜினி காக்கி பேண்ட் மஞ்சள் சட்டையில் பாரின் வெளியே குடிபோதையில் தள்ளாடி நடப்பது போன்ற காட்சிகள் எடுக்கப்படுவதாக சொல்லப்படுகின்றது. இந்த காட்சியில் ரஜினிகாந்த் பல டேக்குகளை எடுத்ததாகவும் சொல்லப்படுகின்றது.