குடியரசு தினத்தை முன்னிட்டு அமேசான் நிறுவனம் சிறப்பு விற்பனையை அறிவித்துள்ளது. இதில் ஷாப்பிங் பிரியர்கள், சிறு தொழில்கள் பயன்பெறும் வகையில் விற்பனை திட்டமிடப்பட்டுள்ளது. ஜனவரி 17ஆம் தேதி முதல் அமேசான் கிரேட் ரிபப்ளிக் டே சேல் 2022 தொடங்குகிறது. இதில் ஃபேஷன், அழகுப் பொருட்கள், உப பொருட்கள், ஸ்மார்ட் அணிகலன்கள், அலுவலக பொருட்கள், கல்வி தொடர்பான பொருட்கள், வீட்டு மற்றும் சமையலறை பொருட்கள், விளையாட்டுப் பொருட்கள், மரச்சாமான்கள், மளிகை, பொம்மை, குழந்தைகளுக்கான பொருட்கள் என கடல் போல பல ரகங்களில் பொருட்கள் விற்பனைக்கு வருகின்றன.
இதில் அமேசான் நிறுவனம் பல்வேறு தள்ளுபடி சலுகைகளையும் வழங்குகிறது. இந்த சலுகைகள் போக எஸ்பிஐ கிரெடிட் கார்டு, பஜாஜ் ஃபின்செர்வ் EMI கார்டு, அமேசான் பே, ஐசிஐசிஐ கிரெடிட் கார்டு மற்றும் குறிப்பிட்ட டெபிட்/கிரெடிட் கார்டுகளை பயன்படுத்துவோருக்கு 10% உடனடி தள்ளுபடியும் கிடைக்கிறது. 16000 ரூபாய் வரை எக்ஸ்சேஞ்ச் சலுகைகளும் கிடைக்கிறது.ஜனவரி 17ஆம் தேதி குடியரசு தின சிறப்பு விற்பனை தொடங்கினாலும், Amazon Prime பயனர்களுக்கு ஜனவரி 16ஆம் தேதி அதிகாலை 12 மணிக்கே விற்பனை தொடங்குகிறது.