பெண் விஷம் குடித்து தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
புதுக்கோட்டை மாவட்டத்தில் உள்ள லெட்சுமணம்பட்டி கிராமத்தில் அமுதா என்பவர் வசித்து வந்துள்ளார். இவருக்கு தினேஷ்குமார் என்ற மகன் உள்ளார். இந்நிலையில் தினேஷ்குமார் வேலைக்கு செல்லாமல் மது குடித்துவிட்டு வீட்டில் தகராறு செய்துள்ளார். இதனால் மன உளைச்சலில் இருந்த அமுதா கடந்த 5-ஆம் தேதி வீட்டில் வைத்து விஷம் குடித்து மயங்கி விழுந்துள்ளார்.
இதனையடுத்து மயங்கிய நிலையில் இருந்த அமுதாவை அருகில் இருந்தவர்கள் மீட்டு சிகிச்சைக்காக அரசு மருத்துவமனையில் அனுமதித்தனர். ஆனால் அங்கு அளிக்கப்பட்ட சிகிச்சை பலனின்றி அமுதா பரிதாபமாக உயிரிழந்துவிட்டார். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.