விளம்பரங்களை வெகுவாகக் கட்டுப்படுத்தக்கூடிய மை ஏட் சென்டர் எனும் கட்டுப்பாட்டு அமைப்பை கூகுள் அறிமுகப்படுத்துகிறது.
உலகம் முழுதும் உள்ள பயனர்கள் விரைவில் கூகுள் தேடல், யூடியூப் மற்றும் டிஸ்கவர் போன்றவற்றில் பார்க்கும் விளம்பரங்களின் வகைகளை நிர்வகிக்க விளம்பர கட்டுப்பாட்டு மையத்தைப் பயன்படுத்த முடியும் என நிறுவனம் தன் வலைப்பதிவு இடுகையில் தெரிவித்து உள்ளது. அதன்படி கூகுள் இணையதளம் மற்றும் செயலிகளில் இனிமேல் பயனாளர்கள் தாங்கள் பார்க்கும் விளம்பரங்களை கட்டுப்படுத்தும் வசதியைப் பெறுவர்.
இது தொடர்பாக கூகுள் கூறியிருப்பதாவது, நீங்கள் சமீபத்தில் சென்றுவந்த கடற்கரை சுற்றுலா பற்றி சென்ற ஒரு மாதத்துக்கும் மேல் தேடியிருப்பீர்கள். தற்போது சுற்றுலா சென்று வந்துவீட்டீர்கள். இனிமேல் உங்கள் இணையப்பக்கத்தில் சுற்றுலா குறித்த விளம்பரங்கள் தேவையில்லை. ஆகவே மை ஏட் சென்டர் வாயிலாக சுற்றுலா தொடர்பான விளம்பரங்களில் கொடுக்கப்பட்டிருக்கும் 3 புள்ளிகளை அழுத்தி, அதில் இந்த விளம்பரத்தை குறைவாகப் பார்க்கும் வாய்ப்பை தேர்வுசெய்து கொள்ளலாம் என்று குறிப்பிடப்பட்டுள்ளது.