சிவகார்த்திகேயன் நடிக்கும் அயலான் திரைப்படத்தின் ரிலீஸ் குறித்த அப்டேட் வெளியாகியுள்ளது.
தமிழ் சினிமா உலகில் முன்னணி நடிகராக வலம் வருகிறார் சிவகார்த்திகேயன். இவர் குழந்தைகள் முதல் பெரியவர் வரை அனைவரையும் தன் நடிப்பால் கவர்ந்து விடுவார். இந்நிலையில் இவர் நடிப்பில் சிபி சக்கரவர்த்தி இயக்கத்தில் சென்ற வெள்ளிக்கிழமை டான் திரைப்படம் வெளியாகி ரசிகர்களிடையே நல்ல வரவேற்பைப் பெற்று வசூலை குவித்து வருகின்றது. சிவகார்த்திகேயன் தற்போது ரவிக்குமார் இயக்கத்தில் அயலான் திரைப்படத்தில் நடித்துள்ளார்.
இத்திரைப்படத்தில் கதாநாயகியாக ரகுல் ப்ரீத் சிங் நடிக்க ஏ.ஆர்.ரகுமான் இசையமைத்துள்ளார். சென்ற வருடம் படப்பிடிப்பு துவங்கப்பட்ட நிலையில் ஊரடங்கு காரணமாக நிறுத்தப்பட்டு தற்பொழுது மீண்டும் தொடங்கப்பட்டு நடைபெற்று வருகின்றது. இந்த நிலையில் இத்திரைப்படத்தினை அடுத்த வருடம் வெளியிட படக்குழு திட்டமிட்டு இருப்பதாக செய்தி வெளியாகி இருக்கின்றது.