விஜய் நடிக்கும் வாரிசு திரைப்படத்தின் ஓபனிங் சாங் பாடியவர்கள் குறித்து தகவல் வெளியாகி உள்ளது.
வம்சி இயக்கத்தில் விஜய் நடிக்கும் தளபதி 66 படத்தின் தலைப்பு மற்றும் பர்ஸ்ட் லுக் போஸ்டர் அண்மையில் வெளியானது. இந்த படத்திற்கு ‘வாரிசு’ என தலைப்பு வைக்கப்பட்டுள்ளது. இந்த படத்தில் விஜய்க்கு ஜோடியாக ராஷ்மிகா மந்தனா நடிக்கிறார்.
சரத்குமார், பிரகாஷ்ராஜ், ஷியாம் உள்ளிட்டோர் முக்கிய கதாபாத்திரங்களில் நடிக்கின்றார்கள். இந்தப் படத்திற்கு தமன் இசையமைக்கிறார். தமிழ், தெலுங்கு என இரு மொழிகளில் உருவாகி வரும் இந்த படம் 2023 ஆம் ஆண்டு பொங்கலுக்கு வெளியாக உள்ளது என்று கூறப்பட்டுள்ளது. இந்த படத்தை ஸ்ரீ வெங்கடேஸ்வரா கிரியேசன்ஸ் தயாரிக்கின்றது.
மேலும் படத்தின் படபிடிப்பானது விறுவிறுப்பாக நடைபெற்று வருகின்றது. இந்த நிலையில் திரைப்படத்தின் முதல் பாடல் தீபாவளியை முன்னிட்டு வெளியாகும் என எதிர்பார்க்கப்படுகிறது. மேலும் இத்திரைப்படத்தின் ஆரம்ப பாடல் குறித்து செய்தி வெளியாகி இருக்கின்றது. அதன்படி இத்திரைப்படத்தின் ஆரம்ப பாடலை நடிகர் விஜய் பாடியிருப்பதாகவும் அவருடன் இணைந்து அனிருத்தும் பாடி இருப்பதாகவும் செய்தி வெளியாகியிருக்கின்றது.