பீஸ்ட் படத்தின் அடுத்தகட்ட படப்பிடிப்பு டெல்லியில் நடைபெற இருப்பதாக தகவல் வெளியாகியுள்ளது.
தமிழ் திரையுலகில் முன்னணி நடிகராக வலம் வரும் விஜய் நடிப்பில் நெல்சன் திலீப்குமார் இயக்கத்தில் உருவாகி வரும் திரைப்படம் பீஸ்ட். இந்த படத்தில் பூஜா ஹெக்டே கதாநாயகியாக நடிக்கிறார். மேலும் அபர்ணா தாஸ், யோகி பாபு, செல்வராகவன் உள்ளிட்ட பலர் முக்கிய கதாபாத்திரங்களில் நடிக்கின்றனர். சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். மேலும் இந்த படத்தின் முதல்கட்ட படப்பிடிப்பு ஜார்ஜியாவில் நடைபெற்றது. இதைத் தொடர்ந்து இரண்டாம்கட்ட படப்பிடிப்பு சென்னையில் நடைபெற்றது.
தற்போது மூன்றாம்கட்ட படப்பிடிப்பு சென்னையில் உள்ள பிரம்மாண்ட மால் ஒன்றில் விறுவிறுப்பாக நடைபெற்று வருகிறது. இதையடுத்து அடுத்தகட்ட படப்பிடிப்பிற்காக பீஸ்ட் படக்குழு ரஷ்யா செல்ல இருப்பதாக கூறப்பட்டது. இந்நிலையில் பீஸ்ட் படத்தின் அடுத்தகட்ட படப்பிடிப்பு டெல்லியில் நடைபெற இருப்பதாக தகவல் வெளியாகியுள்ளது. இன்னும் ஒரு சில தினங்களில் விஜய், பூஜா ஹெக்டே உள்பட படக்குழுவினர் அனைவரும் டெல்லி செல்ல இருப்பதாக கூறப்படுகிறது. மேலும் அடுத்த ஆண்டு பொங்கல் தினத்தில் இந்த படம் வெளியாகும் என எதிர்பார்க்கப்படுகிறது.