தமிழ் சினிமாவில் புஷ்கர்-காயத்ரி இயக்கத்தில் விஜய் சேதுபதி, மாதவன், ஷ்ரத்தா, ஸ்ரீநாத், வரலட்சுமி, கதிர் உள்ளிட்ட பலர் நடிப்பில் வெளியான படம் விக்ரம் வேதா. இந்த திரைப்படம் விமர்சன ரீதியாகவும், வசூல் ரீதியாகவும் நல்ல வரவேற்பு பெற்றது. இப்படத்தின் இந்தி மேக்கில் மாதவன் கதாபாத்திரத்தில் சைப் அலிகான், விஜய் சேதுபதி கதாபாத்திரத்தில் ஹிருத்திக் ரோஷன் இருவரும் நடித்து வருகின்றனர்.
தமிழில் விக்ரம் வேதா படத்தை இயக்கிய புஷ்கர் காயத்ரி இயக்கி வருகிறார். இப்படம் செப்டம்பர் 30ஆம் தேதி வெளியாக உள்ளது. விக்ரம் வேதா இந்தி படத்தின் டீசர் மற்றும் ட்ரெய்லர் சமீபத்தில் வெளியாகி அனைவரையும் கவர்ந்தது. இந்நிலையில் படத்தில் இடம்பெற்றுள்ள பண்டி என்ற வீடியோ பாடல் வெளியாகி அனைவரையும் கவர்ந்து வருகிறது. இந்த வீடியோவை ரசிகர்கள் பலரும் பகிர்ந்து வைரலாக்கி வருகின்றனர். இந்த பாடல் தமிழில் கருப்பு வெள்ளை என்று வெளியாகி இருந்தது என்பது குறிப்பிடத்தக்கது.